تنشر «الهلال اليوم»، رباعيات شعر عامية للشاعر أحمد عثمان من
كتاب "حبات اللؤلؤ".
الرؤية نور للطريق *** من غيرها مش واصلين
تايهين وزي الغريق*** للمرسى مش عارفين
الحب زي الشروق **** بيضيء ظلام روحنا
والكره نار وكوى *** توجعلنا جروحنا
عايشين في ساقية حياتنا *** من صباحها لليل
ويعيش سارقنا في هنا *** ويدوق شارفنا الويل
ياللي بتبحث على سعادتك *** خارج روحك
جواك دا كنزك وفيه *** الراحة لجروحك
قاعدة العجوزة ومش *** قادرة تشيل إيدها
كانت في عز الصبا *** نحلف بحلاوتها
القلب فيه مكانة *** لأبطال بينا عبروا
وما عدش فيه معانا *** مكان لناس هبروا
ربك ح يدينا *** على قد أحلامنا
لو عاليه راح نطلع *** ويتعدل حالنا
لو كل واحد غلط *** دفع تمن غلطه
يبقى وضعنا الحدود *** وحطناه ف حجمه
خطوة ف طريق الأمل *** تفتح طريق بكرة
بكفاحنا رغم الألم *** ح نحقق الفكرة
طمعان خطف لقمتي *** وكلها وتمادى
ولما داق أرصتي *** جاب حقي وزيادة