كشف رئيس جمعية محبي فريد الأطرش عادل السيد أن الموسيقار الراحل قام بغناء أغنية من تلحينه لمواجهة الإرهاب وقوي الظلام، الأمر الذى لا يعرفه الكثيرون وذلك فى أواخر السبعينات.
وكانت الأغنية موجهة لكل خائن أو مأجور يبيع وطنه، حيث تقول الأغنية التى حكي عنها عادل السيد:
قول للخائن والمأجور سيب الضلمة وعيش فى النور
اللى حياته غش وزور.. ما فيناش خاين ولا مأجور
اللى يبيع وطنه وينساه تحرم أرضه عليه وسماه
الحرية خلود وحياة
لو هتخلى الدم بحور سيب الضلمة وعيش فى النور
ما فيناش خاين ولا مأجور
علم الوحدة هيفضل عالي
يحرس أرض الوطن الغالى
فين هتروح من شعب مثالي
مهما تلف ومهما تدور
سيب الضلمة وعيش فى النور
مافينش خاين ولا مأجور
قوميتنا وحريتنا هما شعار جمهوريتنا
واللى يمس فى يوم وحدتنا
كل الشعب عليه هيثور
سيب الضلمة وعيش فى النور