أثارت الفنانة مها أحمد، جدلا كبيرا خلال اليومين الماضيين بسبب مهاجمتها لـ نجمين كبار مثل أحمد السقا وأمير كرارة، عبر حسابها الشخصي التواصل الاجتماعي "فيس بوك".
حيث قامت مها أحمد بنشر منشور عبر "فيس بوك" قائلة:" عوضي علي الله دي الجملة اللي دايما بقولها لما اتصدم في أشخاص.. الحكاية يا سادة نجمين عملوا مسلسل واتنجمت عليهم بنوتة لسه ألف باء وطلعوا كمان مبيقروش اللي بيمثلوه وربنا يركب عليهم بنوتة سنة أولى تمثيل وخبرة".
وأضافت: الحكاية يا سادة نجمين عملوا مسلسل واتنجمت عليهم بنوتة لسه ألف باء تمثيل واديتهم علي قفاهم وركبت عليهم إلى أن أصبحت بطلة المسلسل وبطلة الدعاية للمسلسل وهما راضيين رغم أن طول عمرهم مبيعملوش كده مع أي زميلة لهم أقربها أنا.. النجم الأولاني بيني وبينه عيش وملح وزمالة.. رشحت في مسلسل بطولته وكان بيقنعني بدور ولما وافقت بعتولي دور تاني معرفوش، دور متعملوش واحدة مبتدئة المفروض أنه عارف قيمتي الفنية وعارف أني إضافة له اتهرب مني.. وموقفش جنبي وباعني رغم أن الكل عارف أني زي أخته (ندل).
وتابعت :"أما التاني كان في بداياته يتمني يسلم عليا ويقولي يا أستاذة.. نزلت من نفسي وقلتله مش هنشتغل مع بعض ما هي الحوجة مرة، رد وقالي الدور بينادي صاحبه.. طبعا محكلكوش قد أيه ندمت نفسي وعشت أسود أيام حياتي عياط واكتئاب.. وقلت "عوضي عليك يا رب".. تمر الأيام والاتنين يعلو ويتجمعوا مع بعض في مسلسل واحد "على عينهم طبعا".. ويمثلوا وحش قوى.. تمثيل الكفار.. وطلعوا كمان مبيقروش اللي بيمثلوه.. وربنا يركب عليهم بنوتة سنة أولى تمثيل وخبرة ويتحول المسلسل والدعاية الدراما كاملة لصالحها.. وهما مخدماتية للأستاذة".
واختتمت مها أحمد: "يمهل ولا يهمل أبدأوا من جديد يا أوفر تمثيل.. ياللي مبتقروش يا كمبارس جنب النجمة.. نصيحة بلاش تتشطروا على اللي كان بينكم وبينهم عيش وملح.. بلاش تتشطروا على أساتذتكوا.. عوضنا على الله.. يا رب ما تحوجنا لحد حتى ولو كان أقرب الناس لينا".
وقامت والدة الفنان أحمد السقا بالرد علي الفنانة مها أحمد من خلال منشور عبر "فيس بوك" قائلة:" ع الأصل دور كومبارس فاشلة تتطاول وتسب فنانين كبار وتعلق فشلها عليهم تبحث عن الشهرة بطريقة بذيئة، مهما حاولتي يا كومبارس ليس لك مكان بين الفنانين المحترمين وان طلع العيب من أهل العيب ما يبقاش عيب".
وبعد تطور الأزمة جاء رد الفنان أمير كرارة قائلاٌ:" أنا عمري ما شوفتها أصلا والله، مجدي وخالد وصلاح كامل ناس محترمة، ودخلت بيتهم، وجملة (الدور بينادي صاحبه) دي أكيد معرفش بتتقال إزاي، والله سبحان الله مع إنها كانت مبسوطة من جملة كتع كسح كسل".
وحرص عدد كبير من نجوم الفن علي الصلح بينهم وأبرزهم الفنان أحمد التهامي وكتب: "دول أخواتي ودول أخواتي، وإن شاء الله ربنا يقدرنا على فعل الخير.. ارحموا من في الأرض يرحمكم من في السماء، الدنيا صعبة والناس تعبانة لازم نستحمل بعض شوية، صاحب الشأن راجل محترم وابن بلد وبيفهم في الأصول، وعارف إنها واحدة ست مش قدرة تستحمل من الظروف والضغوط اللي في حياتها الصعبة، ومقدر إنها زوجة أخونا الراجل المحترم مجدي كامل، ربنا يهدي النفوس ويهدينا جميعا لفعل الخير".
ورد الفنان أمير كرارة على منشور "التهامي"، قائلاُ:" "مها أختي ومجدي أخويا وأنا والله ولا زعلان ولا أي حاجة عشان فعلا الموقف دا محصلش، وبردو مش زعلان منها دي حبيبتي ومجدي حبيبي وأخويا".
وقم أحمد السقا بنشر بوست ليحسم الجدل وإنهاء الخلاف عبر صفحته الرسمية على "فيسبوك" قائلاُ:" العشرة بتحكم الواحد، والعيش والملح عقد، وعفا الله عما سلف، يا أختي العزيزة (مها).