تداول عدد من رواد مواقع التواصل الاجتماعي فيس بوك، مشهد للفنانة فاتن حمامة من فيلم "إمبراطورية ميم"، والذي تم إنتاجه في عام 1972، وتبأت فيه بانتشار الهواتف بشكل مكثف.
وخلال المشهد قالت سيدة الشاشة العربية: "مش ناقص إلا أني أجيب لكل واحد في البيت تليفون، ويبقى عندنا 7 تليفونات، وكل واحد يفضل يتكلم طول اليوم في التليفون".
وعلق رواد الموقع على المشهد بكثافة، فقال أحدهم: "كان عندها بعد نظر والله"، وأضاف آخر: "هو فعلا كل واحد فى إيده تليفون فعلا ده غير اللاب توب الاى باد أصبحنا مابنشوفش ولادنا ولا بيقعدوا معانا"، وتابع ثالث: "كنت زمان يستغرب من جملة في الإعلانات المحمول في يد الجميع، وعشنا وشفناها مع أنها كانت شبه مستحيلة وفي الأحلام".
وقال أحد المعلقين: "أصبح حقيقى وأحيانا يمتلك البعض أكثر من تليفون"، وأوضح غيره: "وهو كلامك حصل يا سيدة الشاشة وممكن يكون كل واحد معاه أكتر من فون بقى ولاب توب كله شغال مع بعضه والدنيا باظت على الآخر".