ردّ وائل عبد العزيز، شقيق الفنانة ياسمين عبد العزيز، على الاتهامات التي وجهتها ليلى، ابنة رجل الأعمال محمد حلاوة، إلى شقيقته والتي اتهمتها باختطاف والدها من والدتها.

ونشر وائل صورة تجمع ياسمين وليلى وعلقت عليها بقولها :"حق الرد علي موضوع الاستاذه المحترمه بنت الناس المحترمين .. يا استاذه ليلي ده عيد ميلاد سيف ابن اختي وكان بعد طلاق ياسمين بمده طويله بحضور صحاب كتيره وشهود علي وجودك انا بقي مش عارف هو حضرتك كنتي فرحانه في الصور معانا عشان فرحتنا وبتحبينا زاي ما كنتي طول عمرك بتقولي والا لرجوع والدك الي احنا خاطفينه منك الصراحه ".

وأضاف :"ولو ياسمين بتحاربك طوال ال ١٧ سنه جايا ليه بعد الطلاق تسانديها انتي جوز حضرتك .. ياريت نراعي العشره والسنين ونراعي ان الطرفين متجوزين حاليا ونقفل علي كده لان انا الي هرد مش هيا خالص .. هو انا مش فاهم الحقيقه ليه كل الهجوم ده عليها وهيا لحد الان مغلطتش في اي شخص باي شيء .. شيء غريب فعلا عموما عفا الله عما سلف".

وتسببت ليلى ابنة رجل الأعمال محمد حلاوة، في تجدد الجدل على مواقع التواصل الاجتماعي، بعدما هاجمت طليقة والدها الفنانة ياسمين عبد العزيز عبر خاصية "ستوري" على موقع التواصل الاجتماعي إنستجرام، واتهمتها باختطاف والدها من والدتها.

وقالت ليلى حلاوة في منشورها :"أوعى تدعى حاجة مش فيكي انتي عمرك ماكنتي كويسة مع حد.. انتي اللي خطفتي بابانا مننا من 17 سنة وكانت أمي على ذمته وحاولتي طول الـ 17 سنة تقطعي علاقتنا بيه"، وتابعت: "حاربتينا وأذيتينا كتير الناس العادية مش عارفة حاجة بس الناس اللي حوالينا عارفة كل حاجة ياريت تبطلي أذى بدل كانعرف الكل انت اللي قاطعانا عن اخواتنا من يوم مااتولدوا وكفاية اللي عملتيه في شرم الشيخ من شهر قدام الناس.. كفاية وبطلي تظهري بصورة مش حقيقتك".