شاركت الفنانة شرين عبدالوهاب جمهورها الجزء الأول من الفيديو الذي وعدت به الجمهور، من خلاله أن توضح كل ما يجري من حولها بخصوص التسجيل الصوتي المسرب لوالد زوجها الفنان حسام حبيب.

ونشرت "شيرين عبدالوهاب" مقطع الفيديو على حسابها عبر "تويتر"، وقالت فيه: "عايزة اطمن كل الناس اللي بتحبني، كل الناس الكويسين، أنا بخير، مفيش أي نوع من أنواع الخطر عليا ولا علي حياتي، بالنسبة للي حصل محتاج إني أرد عليه مش هينفع أرد عليه بكلمتين".

وتابعت: "إسمحولي إن أنا أقولكوا إن حسام جوزي إللي أن عاشرته دا انسان من أنضف رجال الدنيا، وانسان محترم وانسان متربي، وبيحبني أكتر من نفسه، وميستاهلش أبدا كم القسوة دا، بس أنا مدياكو العذر لأنكم متعرفهوش، بس أنا عايزة أقولكوا إن الراجل اللي ربنا حطوا في طريقي في الوقت ده، في وقت أنا كنت فيه متكسرة ومتدمرة، هو بنالي شخصيتي وخلاني بعرف أتلكم ورجعلي لنفسي تاني الثقة".

وأضافت: "حسام ربنا هو اللي بعتهولي فربنا مبيعمليش حاجة وحشة، حسام بيحبنا أكتر من نفسه، أنا وبناتي، ده دليل  إن من ساعة ما إتجوزني مستفادش أي حاجة، ومعملش لنفسه أي حاجة، وهو بس عايش عشان يخاف عليا وعلي عيالي من كل شئ"

واستكملت: "وبالنسبة لحاجات كتيرة مش المفروض أرد عليها، لكن أنا عايزة أقوم كمان إن الست حماتي اللي ربت راجل أخلاقه عاملة كده، أكيد لازم تكون ست عظيمة، فحسام انسان عظيم، وأمه ست عظيمة، وبتمني منكو إن أنتو تدعولنا بالذرية الصالحة، وبقولكوا إن مفيش أي حاجة من دي خالص.. حسام انسان نقي ونضيف وربنا هو اللي باعتهولي".

وسبق وأن قالت شيرين عبر صفحتها الرسمية على موقع التواصل الاجتماعي "تويتر": "الرد الصوتي ليا على ما تم ويتم وسيتم تداوله في خلال دقايق.. شكرا ليكوا".

 

ومن الجدير بالذكر أن هناك تسجيل صوتي منسوب  لوالد الفنان حسام حبيب انتشر في الآونة الأخيرة، يزعم وضع خطة ابنه للاستيلاء على أموال زوجته الفنانة شرين عبدالوهاب، إذ قال والد حسام حبيب في التسجيلات: "حسام النهارده أنت بتدير أعمال شيرين، المفروض يبقى لك نسبة زي اللي ياسر خليل كان بياخدها، أنا عارف أن حسام دماغه سم وهو ذكي جدًا ومش سهل، فهو أكيد في دماغه حاجة ومأمن نفسه".

 

وتابع: "شيرين عملاله توكيل بدليل أنه معاه الفيزا أي الكارت فيزا، بتاعتها وبيقدر يسحب من حسابها، وعارف الرقم السري، بس هو بيروح يسحب الفلوس اللي هو عايزها".

 

كما أكد الأب أن أم حسام تكره شيرين وقال: "إيمان ام حسام مش بتحب شيرين، ايمان تنكة، وعاملة زي المليونير لما يفلس هي صرفت الفلوس اللي ابوها سابهالها وصرفت فلوس حسام، شيرين عايزة تقولها بتتنكي على اية يا روح امك ده انا عزماكي وهتسافري على حسابي والفندق على حسابي".

 

كما تحدث عن رغبته في أن يرزق بحفيد من حسام وقال: "نفسي يبقى عندي حفيد، بحب الأطفال جداً بالذات لما يبقى حفيدي، وبعدين نفسي أجيب عيل أنا نفسي أخلف أنا كمان".

 

وأكد أن شيرين لا يمكنها الإنجاب لتقدمها في السن، وقال: "حتى لو مابتخلفش، واحدة خلاص عندها 39 سنة وقربت على الـ 40 احتمال الخلف عندها ضعيف وهما بقالهم سنتين أهو ماخلفوش لية، هي سافرت أمريكا بس ماقالوش عملوا أية في أمريكا، كانت بتعمل رعاية صحية بتعمل تحاليل وبتكشف وبتعمل استشفاء في أمريكا أو بيسموها check up بتطمن على نفسها، وهو عمل كمان فحوصات عشان يشوف نفسه الخلفة كويسة والذكورة وكده، طبيعي هو طبيعي الحيوانات المنوية مظبوطة وسليمة، وزي الفل، هو يقدر يخلف".

 

وسخر من أصل شيرين قائلاً: "تحسي انه هو راقي وتحسي ان هي من بيئة مختلفة مش من نفس البيئة.. حصلتلي قبل كده موقف كان سخيف جدا جدا، واحدة عملت نفسها من فرنسا وهي أصلا من تونس ولا ماعرفش منين، واتكلمنا مع بعض واتصورنا وبتاع وراحت خدت سكرين شوت وبعتته لحسام، حسام خاصمني فيها ست شهور، طبعا هي كانت بستفزني بكلام وسخ عملت اية وشيرين اية، وانا زي الاهبل عمال اقول اي كلام انتي عارفة ساعة.. الواحد بيهيس، وهي بتستدرجني لأن هي عايزة تسجل ده وتبعته وتبتزه يعني".