عاد الملحن عمرو مصطفى لإثارة الجدل من جديد حيث هاجم الهضبة عمرو دياب من خلال عدة تدوينات نشرها على صفحته بموقع التواصل الاجتماعي "فيسبوك"، قبل أن يحذفها.
وقال عمرو مصطفى في تدوينته: "ورحمه أبويا أنا لا عايز اشتغل مع عمرو دياب تاني ولا فارق معايا، ولا بحب أجيب سيرته في برنامج لولا المعدين المتخلفين اللى بيقحموا اسمه معايا في جملة مفيدة خلصنا بقى مرحلة وعدت".
وأضاف: "أقسم بالله العظيم لو دفعلي مليون جنيه في اللحن ما هشتغل معاه تاني أنا بحبه وبحترمه ويارب يكسر الدنيا وأنا أول واحد هيفرحله".
واختتم تدوينته قائلاً: "اتلموا بقى وسيبوني في حالي وفِي موسيقتي الفترة القادمة.. وعلشان ترتاحوا اللى هيجيب اسمه في أي برنامج مستضفني هسيب البرنامج وأقوم أمشي ارحموني في إيه خلاص عملتله تاريخ وخلصنا ولو بتحبوه قوي قولوله ميغنيش أغانيا تاني وشيلوها من اليوتيوب ومتسمعهوهاش تاني عقابًا ليا".
وبعد حذفه هذه التدوينات نشر أغنية بشرة خيرة في تدوينة أخيرة له قائلاً: "229 مليون مشاهدة أعتقد ده رد مناسب.. أول لما توصلوا للرقم ده اتكلموا"، ثم وجه الشكر إلى الشاعر أيمن بهجت قمر وتوما.