بعد أيام من انتهاء مشكلة التسجيل الصوتي المنسوب إلى والد زوجها، خرجت الفنانة شيرين عبد الوهاب على الجمهور لتحذّر من محاولة جديدة للنصب بأسمها من خلال حفلة لأحد الجامعات الخاصة.
ونشرت شيرين عبر صفحتها الرسمية على موقع التواصل الاجتماعي تويتر، صورة ملتقطة من صفحة إحدى الجامعات على موقع التواصل الاجتماعي تدعو الطلاب لحضور حفلة تحييها شيرين عبد الوهاب لتدشين المبادرة الرئاسية "حياة كريمة".
وقالت شيرين تعليقا على الصورة :"بيان هام، لا علاقة للفنانة شيرين عبد الوهاب بهذا الحفل الذي يستغل اسمها واسم المبادرة في الدعاية الوهمية للحصول على مكاسب مادية، وسوف يتم اتخاذ الاجراءات القانونية تجاه المسئولين، ووجب التنبيه على انه اي حفل للفنانة شيرين يتم الاعلان عنه على منصاتها الرسمية للسوشيال ميديا".
ومن الجدير بالذكر أن هناك تسجيلا صوتيا منسوبا لوالد الفنان حسام حبيب انتشر في الآونة الأخيرة، يزعم وضع خطة ابنه للاستيلاء على أموال زوجته الفنانة شرين عبدالوهاب، إذ قال والد حسام حبيب في التسجيلات: "حسام النهارده أنت بتدير أعمال شيرين، المفروض يبقى لك نسبة زي اللي ياسر خليل كان بياخدها، أنا عارف أن حسام دماغه سم وهو ذكي جدًا ومش سهل، فهو أكيد في دماغه حاجة ومأمن نفسه".
ورّدت شيرين على هذا التسجيل في فيديو برفقة زوجها قالت فيه :" "عايزة اطمن كل الناس اللي بتحبني، كل الناس الكويسين، أنا بخير، مفيش أي نوع من أنواع الخطر عليا ولا علي حياتي، بالنسبة للي حصل محتاج إني أرد عليه مش هينفع أرد عليه بكلمتين".
وتابعت: "إسمحولي إن أنا أقولكوا إن حسام جوزي إللي أن عاشرته دا انسان من أنضف رجال الدنيا، وانسان محترم وانسان متربي، وبيحبني أكتر من نفسه، وميستاهلش أبدا كم القسوة دا، بس أنا مدياكو العذر لأنكم متعرفهوش، بس أنا عايزة أقولكوا إن الراجل اللي ربنا حطوا في طريقي في الوقت ده، في وقت أنا كنت فيه متكسرة ومتدمرة، هو بنالي شخصيتي وخلاني بعرف أتلكم ورجعلي لنفسي تاني الثقة".
وأضافت: "حسام ربنا هو اللي بعتهولي فربنا مبيعمليش حاجة وحشة، حسام بيحبنا أكتر من نفسه، أنا وبناتي، ده دليل إن من ساعة ما إتجوزني مستفادش أي حاجة، ومعملش لنفسه أي حاجة، وهو بس عايش عشان يخاف عليا وعلي عيالي من كل شئ"
واستكملت: "وبالنسبة لحاجات كتيرة مش المفروض أرد عليها، لكن أنا عايزة أقوم كمان إن الست حماتي اللي ربت راجل أخلاقه عاملة كده، أكيد لازم تكون ست عظيمة، فحسام انسان عظيم، وأمه ست عظيمة، وبتمني منكو إن أنتو تدعولنا بالذرية الصالحة، وبقولكوا إن مفيش أي حاجة من دي خالص.. حسام انسان نقي ونضيف وربنا هو اللي باعتهولي".
