وصف الإعلامي خيري رمضان، الفقر والجهل والفساد وارتفاع الأسعار بمرض "السرطان"، مضيفًا: "السرطان ضرب في ربوع الوطن، إحنا في مرحلة الكيماوي اللي لما بيدخل في الدم عشان يتقل المرض ويدمره".
وأضاف خلال تقديمه برنامج "آخر النهار"، المذاع على قناة "النهار"، اليوم: "أنا بعذر الناس اللي بتعيط وبتقول مش لاقيين نأكل والأسعار غالية ومش قادرين نجيب العلاج، ومش قادرين يستحملوا الكيماوي، وعشان نعدي بيهم هذه المرحلة،محتاجين ما نسمعش من رئيس الوزراء وهو بيقول الأسعار ستشهد تراجعا وستنجح الوزارة في ضبط الأسعار".
وتابع: "أنا بقوله غديني النهاردة وبلاش بكرة، عشان انتظر أحلام وأنا في الوجع مش هسمعك، قولي حققنا ونجحنا في أرض الواقع بالإثبات، وقتها هقولك شكرًا والعلاج جاب نتيجة".