واجهت الفنانة منى ذكي، انتقادات حاة بعد إذاعة الحلقة الخاصة بها مع إسعاد يونس في برنامج صاحبة السعادة، حيث تفاعل الجمهور والمتابعين لها بشكل غاصب على حديثها على قصة حبها مع زوجها الفنان أحمد حلمي.
حيث تحدثت عن البداية الأولى في لقاء الفنان أحمد حلمي وقالت: أول مرة قابلت حلمي كنت في مكتب المنتج محمد فوزي وكنا هنعمل مسرحية بطولة عامر منيب الله يرحمه وقالي فيه دور بفكر أجيب فيه أحمد حلمي ووقتها كان عامل برنامج لعب عيال بس معرفش شكله أيه لأنه بضهره وكنا بنتابعه من حلاوته فقولتله ياريت ده لذيذ أوي وعايزة أشوف وشه.. المهم لقيت حد لابس كاروهات وجينز ومبهدل سلّم عليه من غير ما يبصلي وقعد على الكرسي واتكلم مع المنتج وبعدين جاله تليفون وقام فـ محمد خدني على البلكونة قالي أيه رأيك قولتله رخم أوي قالي ده هيمثل انتو مش هتتجوزوا".
وتابعت: "ابتدينا بروفات وبدأت أحس إنه لذيذ وأنا برضو بايخة مش بقول لذيذ على أي حد .. حصلت مشكلة وكنت همشي من المسرحية فجالي وقالي انتي مش جاية تاني؟ عشان لو هتمشي ناخد نمر بعض ونطمن على بعض وبقينا بنتكلم في التليفون ويقولي هتعملي أيه النهاردة وابقي قوليلي آجي معاكي وإذ فجأة بقينا صحاب جدًا وعرفته على صحابي القريبين مني وكان دايمًا بيحاول يلفت نظري وانا كنت قليطة أوي عشان خدت حب من أبويا يخليني متأثرش بأي حركة من أي شاب، وبعدها اعترفلي إنه بيحبني".
ما أزعج الجمهور ووصفه بالتكبر هي عبارة أنا كنت قليطة كما وجه أيضا الجمهور انتقادات حادة عندما قالت حياتنا أنا وأحمد حلمي بسيطة تماما يمكن ده الغريب لأن نادر لما يبقى فيه حاجه بسيطة، أحمد عنده نبل وطبية عمري ما شوفت فنان بالشكل ده عنده رقي وطيبة مش عادية مثقف ومتفتح رغم انه من بنها" وهوا ما اعتبره الرواد على السوشيال ميديا إهانة كبيرة للأهل بنها وصفهم بالفلاحين وعدم الثقافة والانتفاح.
