تصدر اسم الفنانة رنا سماحة تريند محرك البحث "جوجل"، وذلك بعد أنباء إنفصالها عن زوجها الملحن سامر أبو طالب، وإلغاء متابعة زوجها لها علي جميع مواقع التواصل، وأيضا حذف كل الصور التي تجمعهم سويا، مما أثار الجدل علي مواقع التواصل الاجتماعي.

ونشرت رنا سماحة بالأمس صورة لها عبر صفحتها الشخصية علي موقع تبادل الصور والفيديوهات "انستجرام".

 

وعلقت عليها قائلة: " عذرَا أيها الـ trend، فلدي ما هو أغلى من كنوز العالم، اتعلمت في بيت أهلي إن العلاقة بين الراجل والست أمانة مينفعش تطلع بره البيت، خطيبتك مراتك طليقتك أيًا كان، الأمانة دي ولاد الأصول بس اللي بيعرفوا يصونوها وميفشوش أسرارها، ولاد الأصول بس اللي مبيكذبوش ولا يدّعوا على بعض بالباطل، ولاد الأصول مبيقذفوش المحصنات بكبيرة من الكبائر، ولاد الأصول بس اللي مبيخونوش الأمانة، ولاد الأصول بس مبيفجروش في الخصام، ولاد الأصول مش محتاجين يستعطفوا حد ولا محتاجين يدّعوا المثالية بيسيبوا أخلاقهم تتكلم عنهم ومبيتكلموش هم عنها" .

 

 

 

 

View this post on Instagram

 

 

 

 

 

 

 

 

 

 

 

A post shared by Rana Samaha (@ranasamaha)

وأضافت: " ولاد الأصول مبيلقحوش على بعض مبيجيبوش سيرة بعض غير بالخير، ولاد الأصول بيعاشروا بالمعروف وبيفارقوا بالإحسان، ومبينسوش الفضل بينهم، ده اللي ربنا أمرنا بيه، ده اللي أهالينا ربونا عليه ده اللي الإنسانيه بتقوله، أي حاجة غير كده تبقى عدم تربية.. قلة دين.. انعدام أخلاق، انعدام الأخلاق ده مينفعش نزينه ونقول أوه ترند، في داهية الترند اللي ينسينا أخلاقنا وتربيتنا وأصولنا" .

 

وتابعت: "الإنسان بيعيش حياته وبيمشي رحلة، مش هيفضل منها غير سيرتك وأعمالك الطيبة وكلمتك اللي بتتصدق بيها، سيبوا الخير وانتوا ماشيين عشان الناس تدعيلكم بدل ما يدعوا عليكم، اجعل من يراك يدعو لمن رباك، بطلب من أي حد هيكلمني عشان يعرف أي تفاصيل تخص حياتي الخاصة يوفر على نفسه وميكلمنيش، ميهمنيش السبق الصحفي ولا الشو الإعلامي ولا الأكثر بحثًا غير في شغلي فقط في الخير والفرحة وبس" .

 

واختتمت : "عاهدت نفسي وأهلي والناس إللى بحبهم إني أكون خير قدوة، عاهدت ابني اللي عيني لسه مشافتوش إني أربيه على الأصول والاحترام والرقي، عاهدته إني أربيه يبقى راجل فمتستنوش مني ما يفعله الآخرون مش عايزة ابقى ترند" .