تداول رواد التواصل الإجتماعي على موقع "فيس بوك" صورة لفتاة ترتدي بالطو الاطباء وعلقت على الصورة قائلة: "إلى مدرس الاحياء اللي سخر مني وقالي ابقي قابليني لو نفعتي اقدم لك تحياتي بعد ما اتخرجت من طب وبقولك شوف عاوز نتقابل فين"، مما أثار الجدل وكل من المتابعين قام بمشاركة الموقف المتشابهة الذي تعرض له خلال الدراسة في الثانويه العامة.
علقت فتاة وقالت :"وانا من مكاني هذا برضه اقول لمدرس الرياضة ف ابتدائي لما كان بيهمش اجابتي وشايفني فاشلة وبعدين ف ثانوي اعترف اني مش محتاجه اخد درس اني بقيت مهندسة زي الفل"، وعلق آخر "هو الناس فاكرة ان التخرج نهاية المطاف مازالت البداية والدنيا لسه فيها خير كتير"، وتابع آخر "عند نفس المعلم والله يا دكتوره مش لوحدك دا أحبط جيل بأكمله بس نفعنا نفسنا فالاخر مكنش فى غيره شاطر فكنا مضطرين مش اكتر وغلطان اللى مكنش بيرد عليه وياخد الكلام فجنابه ويسكت"
وعلقت أخرى "أنا مستغربة جدا من الكومنتات اللي بتنتقدها هي ، يعني موافقين على أسلوب المعلم المربي اللي المفروض يكون قدوة ودافع جيد لطلابه وبتبرروا ليه كلامه الهدام ؟!! اللي إيده في المية فعلا .." والأخير يضيف " ماشاء الله عليكى احلى حاجه أن كلامه قواكى مضعفكيش"
