نشرت فتاة على موقع التواصل الإجتماعي «فيس بوك» تحذيرًا هامًا للفتيات وطلبت منهم توخي الحذر أثناء دخول دورة المياة للسيدات في الأماكن العامة.
وأضافت الفتاة أنه من الضروري قبل الدخول البحث في جميع أرجاء المكان عن وجود كاميرات ، والتأكد من أن المكان خال من كاميرات المراقبة او الهواتف المحمولة المعلقة ، وذلك بسبب موقف تعرضت له في أحد المطاعم الشهيرة حيث قامت صديقتها بنشر الموقف على الحساب الخاص بها.
وقالت الفتاة "بنات لو سمحتوا خدوا بالكم لما تدخلوا اي حمام بعد كده النهاردة كنت انا وصاحبتي في ض فرع كلية البنات صاحبتي دخلت الحمام وخارجة وشها احمر وجسمها بيتنفض من الرعب .. كان في موبايل متعلق فالسقف الخشب اللي فوق التويلت بيصور البنات وهي فالحمام انا مشوفتش بجد مرض كده في حياتي والموبايل طلع بتاع حد من ال staff و عليه فيديوهات كتيير اوي .. كلمنا مدير الفرع كل همه سمعه المحل ومهمهوش سمعه البنات اللي اتصورت
كلمنا البوليس وجيه اخد الولد والموبايل اتحرز واتمسح من عليه كل حاجة
والولد بعد كل ده ١٧ سنة !! ف بجد احنا عايشين مع ناس مريضة وربنا يسترها علينا كلنا .. ف خدوا بالكم بعد كده قبل متدخلوا اي حمام ".
سادت حالة من الغضب والذعر بين الرواد بسبب ذلك الأمر فعلق أحدهم قائلاً :" فيه شباب بيعملوا اي حاجة عشان قنوات اليوتيوب وتجميع مشاهدات بأي شكل سواء غير أخلاقي أو عرض تفاهات ، فلوس اليوتيوب أفسدت الكثير للأسف ." وعلقت آخرى "انتو بنات جدعه جدا وبراڤوا عليكم انكم ماسيبتوش حقكم" وأضف آخر "لا حول ولا قوة الا بالله الناس كل شوية بتزداد سوء وقلة ادب وموت ضمير وعدم امانه بحس اننا عايشين ف غابه ربنا يحفظنا ويلطف بينا" وعلقت الأخيرة"احنا ناقصين قلق نروح فين من الناس المريضة كده هيخلونا نخاف اكتر منه لله نروح نادي ولا مول نخاف ندخل لا حول الله عقول باظت عقول مريضه "
