وجهت الإعلامية لميس سلامة ، مقدمة برنامج «صباح البلد » رسالة دعم إلى عاملة النظافة «أم كريم» عبرت فيها عن خالص احترامها وتقديرها للسيدة المكافحة البشوشة التي تعمل بإخلاص وتفانٍ على الرغم من الظروف المحيطة بها.
ونشرت لميس عبر صفحتها الرسمية على موقع «فيس بوك» صورة لها برفقة أم كريم، وعلقت قائلة: "أم كريم ٢٦ سنة عاملة نظافة حامل وبتشتغل بايديها الشمال في الشارع وبتراعي بنتها علي عربية الاطفال اللي جابوهالها ولاد الحلال بايديها اليمين ست بمية راجل".
وأضافت لميس: "بتطلع من بيتها في الشرقية كل يوم من ٤ الفجر تشتغل بكل رضا وصبر وحب للي بتعمله زي ما قالتلي في الفيديو اللي هنزله بكرة الصبح باذن الله وهتعرفوا فيه قصتها وتشوفوا أااااااد ايه هي ست بشوشة وبتضحك وبتكره التكشير زي ما قالتلي في حب ام كريم المكافحة".
هذة السيدة أثارت إعجاب المتابعين وأشادوا بقوتها وصبرها حيث علق أحدهم: "والله العظيم الستات اللى زى دى يتعمل لهم تمثال " وعلق آخر "ربنا يعطيها الصحه والعافيه يارب فعلا الستات بتعرف تقوم بدور الراجل ف كل حاجه لكن الراجل ميقدرش يقوم بدور الست ف موقف واحد بس الستات تاج يا جماعه فوق راسنا والله نحافظ عليهم وبلاش نجرحهم خالص ربنا يديكى الصحه والعافيه ويعوضك".
وأضاف متابع آخر: "هى دى فعلا الناس الى تستحق المساعدة وجبران الخواطر لأنها مش بتمد ايديها لحد بتشتغل عشان تصرف على بيتها بالحلال ربنا يعوضك خير إن شاء الله".
وعلقت الأخيرة: "والله انك انسانه محترمه وحنيه الدنيا فيكي كلك تواضع وزرق ربنا يجبر بخاطرك زي ما جبرتي بخاطرها يا رب".
