دافع عدد من رواد موقع التواصل الاجتماعي فيس بوك، عن الشاب الذي انتشرت صورته أمس الأربعاء، وأثارت جدلًا واسعًا بسبب رد فعله على حريق مطعم «لاتينو» بمنطقة جليم كورنيش الإسكندرية.

وفي الصورة يظهر الشاب وهو يتابع الصيد على شاطئ الإسكندرية، في حين تندلع نيران كثيفة من المطعم في الخلفية، بينما هو وشخص آخر بالقرب منه يتابعان الصيد دون مبالاة بالحريق الذي تحاول أكثر من 12 سيارة إطفاء للسيطرة عليه بعدما أدى لتوقف المرور بطريق الكورنيش.

ومع انتشار الصورة والتعليقات الطريفة والساخرة عليها، تحدث الشاب احمد سعيد عن كواليس الصورة قائلًا :" اتفاجات ان الصوره طلعت تريند، الحقيقة شوفت المطافئ شغاله وبتحاول تطفي اروح اعمل ايه مش بايدي حاجه اعملها غير اكل عيشي عشان الحق ارجع برزق بيتي"، وتابع :" عايز أوجه كلمه للي صور، حضرتك كنت قاعد فاضي كنت روح ساعد معاهم بدل ما تصور خلق الله وتاخد اللقطه".

وتداول رواد السوشيال ميديا كلام الشاب مدافعين عنه حيث قال أحدهم :" الشاب صاحب الصوره الشهيره انهارده أمام كافيه لاتينو بجليم اللى كان واقف يصطاد، احمد سعيد شغال في شركه بعد الظهر وبيطلع يصلي الفجر وبعد الفجر بيروح يصطاد ساعتين عشان يوفر غده او مصاريف لبيته"، وتابع آخر :" أنا شايفه إن وجوده فى موقع الحريق مش ذات أهميه إلا لو كان بيتفرج أو بيصور زى الأستاذ اللى صوره دا راجل شاف إن فيه ناس اقدر منه موجوده وبتقوم بعملها فساب ليهم مساحه علشان يقدروا يسيطروا على الوضع وهو انشغل باكل عيشه لكن الأستاذ اللى صوره انشغل بايه وكان فين وقت الحريق وساعد ولا انشغل بتصوير غيره طول ما بنحاول نغلط بعض ونظهر عيوب بعض مش هيتصلح حالنا".

وعلى الجانب الآخر، هاجمه آخرون حيث قال أحدهم :"مبرر مش مقنع ، مينفعش الدنيا تكون كده و حضرتك واقف كده بلا مبالاه السعي ورا الرزق مش معناه ان الدنيا تولع و ملناش دعوه بالاخرين"، في حين أضاف غيره :" وصحيح ال صوره ده بدل ماهو مركز معاه كان راح يساعد ويطفي لكن سبحان الله صوره علشان الناس تتريق عليه طلع تريند والناس بتتريق على ال صور يعني فاضي اهو لاتشغل نفسك بالآخرين خليك في نفسك افضل".