تداول رواد موقع التواصل الاجتماعي فيس بوك، منشورًا كتبه شاب، يروي فيه تجربته مع مرض السرطان، ما أثار تعاطف الجميع.
وقال الشاب في منشوره :" ٦ أكتوبر ٢٠٢٠: المظاهر خداعة؛ ف هدوء المقابر لا يعني أن الجميع ف الجنة، زي النهاردة من سنة، روحت لدكتور أكشف على وجع بسيط عندي، ف يكتبلي مضاد حيوي ويطلب أشعة، ف دكتور الأشعة يشوف ورم سرطاني ف حتة تانية خالص بالصدفة !! ومالوش أي علاقة بالوجع اللي عندي ولا اي حاجة، واليوم ده كان بداية أصعب رحلة شوفتها وأكثرها مرارة، احساس انك مريض سرطان ؛ شيء مُرعب".
وأضاف :" الرحلة دي كانت كلها تحديات أصعب من بعض، من عمليات لشُنط أدوية طول الوقت لجدول جلسات كيماوي وأعراضها اللي بجد فوق احتمال اي حد، كل ده طبعاً بجانب الموت النفسي اللي انت عايشه اصلاً، ناس كتير تعرفني ماتعرفش اني حصللي حاجة، وده عشان انا مكنتش ولا حابب ولا قادر، احساس انك كنت ف يوم عادي رايح تكشف وهتقابل صحابك ورايح شغلك تاني يوم".
وتابع الشاب :" وفجأة مافيش حياة، مافيش شغل، مافيش خروج واختلاط بناس، عشان مافيش مناعة، مافيش شهية، مافيش تذوق أصلاً، مافيش جري ولعب كورة، مافيش سهر عشان في جلسة كيماوي ٩ الصبح، مافيش شعر، مافيش ضحك، مافيش حيل، مافيش رغبة، أنت ف عدم، في سرطان، احساس انك مريض سرطان ؛ شيء مُرعب".
وواصل :" مش كل الناس عرفت اني تعبت، بس وقف جمبي ناس كتير، وفيه منهم ناس مكنتش متوقع منهم انهم يكونوا بالجدعنة دي، عرفت معدن وحقيقة أهم ناس ف حياتي؛ أهلي ثُم أهلي ثُم أهلي ألف مرة، مراتي اللي كانت خطيبتي وقتها " ماشُفتش زيها ف حياتي، السند العظيم اللا مُنقطع "
وعلق بعض رواد مواقع التواصل الاجتماعي " الفيس بوك " قالا : مش هقولك غير انك بطل بجد مواثق كل الأحداث بكل تفاصلها بجد ربنا يقويك ويعافيك وان شاء الله تكون احسن من الاول. وعلق شخص آخر قائلا : حفظك الله ورعاك ومن حولك ومن وقف معك ولو بكلمة ولو بدعوة مرحبا بك في قوافل الصابرين المحتسبين المؤيدين من المولي عز وجل،، لا حول ولا قوه الا بالله العلي العظيم ربنا يشفيه ويعافيه يااااارب ويشفي كل مريض بحق لا اله الا الله، ربنا يقويك ويتم شفاك علي خير ويشفي كل مريض يارب العالمين وبإذن الله تعالي ترجع أحسن من الاول ،،النظره للحياه قبل الكيماوى شئ وبعد الكيماوى شئ تانى ، كل حاجه بتختلف ،ربنا معاك ويقويك ومع كل مريض بيخوض التجربه دى".
