أكدت الفنانة شريين رضا، أنها لاتنزعج من ظهور إبنتها نور عمرو دياب بشكل مكثف على "السوشيال ميديا" قائلة: "بالعكس نفسي تبقى سعيدة لأنها كانت خاصة جداً في حياتها.. الأكونت بتاعها على السوشيال ميديا مكنش عليه غير 500 شخص ماحدش يعرفهم ومش بتزود المتابعين ".
وتابعت في لقاء خلال برنامج "كلمة أخيرة" الذي تقدمه الاعلامية لميس الحديدي على شاشة " ON" قائلة: "في مرة قلتلي ماما عايزة أخلي الاكونت بتاعي "public “ مش “ private” ومبسوطة بده".
وأوضحت أن إبنتها تعمل "بلوجر"، قائلة : "نور شخصية بسيطة جداً في حياتها مابتحبش تلبس ماركات، وده طبع أخدته مني أنا كمان مش بحب أتباهى بحاجة، وأنا ست بسيطة فلما لقت أن ده مبدأها حبت يبقى هدفها كبلوجر مساعدة الناس إنها تروح البراندات البسيطة زي "زارا" و" أتش أند أم" اللي تمنها بسيط وشيك في نفس الوقت".
وتعليقاً على خطبتها قالت: "أنا سعيدة لما هيا تبقى سعيدة الناس كانت فاكرة أن أنا ضد الجواز.. أنا ضده صحيح بس لنفسي.. لكن هي لو عايزة تمر بالتجربة دي من حقها".
وكشفت أنها لم توجه نصحاً لابنتها قبيل خطبتها من واقع تجربتيها كأم في الزواج، قائلة: "مانصحتهاش لأنها شافت التجارب بتاعت .. لكن هي دلوقتي مخطوبة خليها تجرب هتتجوز ولالا ؟ طول ماهي مبسوطة لازم تمر بالتجربة".
وحول هوية خطيبها الأجنبي، أوضحت رضا أنها لم تعترض على ذلك: "نور عايشة بره بقالها عشر سنوات وبقت أجنبية، صحيح مصر بلدها وكل حاجة لكن عشر سنوات هي فترة طويلة بعدت فيها عن كل الناس سواء عن أقرانها في العمر أو اصحابها فصعب أوي بعد عشر سنوات ترتبط بحد من هنا".
واختتمت تصريحاتها: "هي وحشاني أوي ونفسي تبقى جمبي بس عاوزاها تجرب وتبدا حياتها".