توجه أحد الأطفال من ذوي الهمم، بسؤال للرئس عبد الفتاح السيسي، قائلا: "نفسك تعمل إيه تاني لقادرون باختلاف؟".
وقال الرئيس السيسى، خلال احتفالية قادرون باختلاف: "نفسى في حاجات كتير ليكم لأن كل شخصية منكم ليها المفروض أن إحنا كدولة وشعب ومجتمع نقدم ما يمكن تقديمه".
وتابع في رده على سؤال الطفل، "بسؤالك خلتني أقول لمجلس النواب والشيوخ محتاجين نعمل تشريع يتيح لينا نحط في صندوق قادرون باختلاف رقم مش كتير، لكن كلنا لما ندفع فيه يحقق مساهمة تخلينا نعمل اللي نتمنى نعمله".
واستطرد: "أنا عاوز إن كل الناس في الشارع والمدرسة ينتبهوا للكنز اللى مش واخدين بالهم منهم ومش هيعرفوا غير يوم القيامة إن دول كنز وخلى بالك من الكنز ده وحطوا في عينيك"
وأدار الفنان أشرف عبد الباقي، جلسة حوارية، بين الرئيس عبد الفتاح السيسي، والأطفال ذوي الهمم وذوي القدرات الخاصة.
وصرح السفير بسام راضي، المتحدث باسم رئاسة الجمهورية، بأن الرئيس عبد الفتاح السيسي، يحضر اليوم، احتفالية "قادرون باختلاف" لأصحاب الهمم وذوي القدرات الخاصة.