طرح الفنان بهاء سلطان، اليوم الأحد، أحدث أغاني ألبومه الجديد "سيجارة"، والتي تحمل اسم "ده حب ولا"، عبر موقع «يوتيوب».

«ده حب ولا» من كلمات نصر محروس، وألحان عزيز الشافعي، وتوزيع جيزو، وميكس وماستر هاني محروس، وتم تسجيلها باستوديو "إم ساوند 1".

وتقول كلمات أغنية ده حب ولا:

 

ده حب ولا تقل ولا دلع ده ولا إيه

يا حبيبي أؤمر تحت أمرك قوللي أعملك إيه

على عيني زعلك

ده أنا جاي أصالحك

أنا جاي أقولك على قلبي وع اللي فيه

ومعاك الوقت هوا بيعدي هوا

ويا دوب مالحقتش أقول

بهواك يا حبيبي أنا ويا عمري أنا

على فكرة أنا بيك مشغول

أنا إيه يبعدني عنك

اللي يبعدني إيه

أنا إيه ياخدني منك

وليه ياخدني ليه

يا حبيبي يا كل عمري

أنا ليك سلمت قلبي

أرجوك حافظ عليه

 

وقبل نهاية 2021، طرح بهاء سلطان 3 أغنيات من ألبوم "سيجارة"، هي: "تعالى أدلعك" كلمات وألحان عزيز الشافعي، "عاملين الصح"، ألحان محمد يحيى، توزيع أكرم عادل، ماستر أمير محروس، كلمات وهندسة صوت وميكس هاني محروس، "ليالي طويلة"، من كلمات نصر محروس، ألحان عزيز الشافعي، وتوزيع أمير محروس.

 

وكان المنتج نصر محروس، وقّع على اتفاق لفسخ العقد بينه وبين بهاء سلطان، قبل نحو شهر، وجاء نَصّه: «أنا نصر محروس عبدالمسيح أبرئ ذمة الفنان بهاء سلطان من أي التزام بسداد المبالغ المستحقة عليه والمتعلقة بالنسبة المتفق عليها من أجره عن اللايف، وأبرى ذمته كذلك من استكمال تنفيذ العقود المحررة معه، ويصبح من حقه التعاقد مع أي شركة أخرى دون اعتراض مني على ذلك، علمًا بأنّ الدافع الوحيد وراء ذلك هو فقط المحبة والتسامح، مع تمنياتي الطيبة له بالنجاح والتفوق واستعدادي على مساعدته فى المستقبل.. نصر محروس».