حلّ الفنان رامي صبري، ضيفًا على برنامج «أجمد 7»، المذاع عبر إذاعة «نجوم إف.إم»، وتقدمه المذيعة جيهان عبد الله، حيث كشف خلال اللقاء العديد من التفاصيل التي تخص مشواره الفني.

أبدى رامي صبري رأيه في نوعية أغاني المهرجانات والراب التي تتصدر الساحة حاليًا، قائلًا: «التاريخ بيقول إن كل فترة ناس بيطلعوا يقدموا نوعية مزيكا مختلفة عن السوق والناس بتقبل عليها وبتختفي، لكن خط الأغاني الكلاسيكية العادية بتفضل مكملة، ما ينفعش النوعية دي تأثر عليا ولا أنا بأثر عليها هو سوق، وفيه كذا نوع بتختار منه اللي يناسبك، وأنا شايف التنوع ده صحي، وبسمع كل الأنواع ومفيش أغنية بتنزل ما بسمعهاش، لكن مقدرش أقدم النوعية دي من المزيكا».

وعن مقياس مشاهدات «يوتيوب» في نجاح الأغنية، قال: «الأساسي إني أسمع أغنيتي في الشوارع وفي كل مكان، مش إنها تحقق 60 70 مليون على اليوتيوب، لأن الموضوع في اليوتيوب بقى بيزنيس شوية، وحلو إني أشوف أرقام كبيرة لأغنيتي لكن النجاح الحقيقي على أرض الواقع، واليوتيوب شوية بقى مزعج لأن لما تيجي تلاقي أغنية مهرجان رقم واحد وأغنية لنجم كبير في المركز الرابع مثلًا ده مش صح».

وكشف رامي أنه يحضر حاليًا لطرح أغنية جديد بعنوان «هي» من ألحانه، كلمات نادر عبد الله، وتوزيع جلال حمداوي، ومن المقرر أن تصدر بعد عيد الفطر موضحًا: «هي سريعة وستايل جديد شبيه بالهاوس وجديدة وماحدش عملها ولا أنا كمان».