أعلنت الإعلامية والفنانة ريهام سعيد تدشين لحملة، تهدف للتوعية من مرض "السمنة"، ومخاطرها، ومحاربته، لافتة أنها عانت منه قبل ذلك.

ونشرت ريهام سعيد عبر صفحتها الرسمية بموقع تبادل الصور والفيديوهات "إنستجرام" صورة لها وهي بوزن زائد، وعلقت عليها قائلة: "أنا بكره البني أدمة دي ومبحبش أشوفها.. صحيح تخنت في حياتي كلها سنتين بس لما جالي مرض اسمه Eating disorder".

وأضافت: "كان عندي 25 سنة ونفسيتي وحركتي وكل حاجة بتقول إن عندي 70 سنة وده كان سبب اكتئاب بعد الطلاق.. اكتشفت مؤخرًا أن الجهل لسه موجود.. السمنة مرض مش صفة ومن أخطر أنواع الإدمان".

وتابعت: "قررت أعمل حملة سمنة كبيرة ونعالج ناس كتير زي ما طول عمرنا بنعمل.. أنا اعتزلت بقالي سنة لكن ده مش هيمنع إني برضوا بالتعاون مع أطباء كبار بيحبوا الخير نقاوم هذا المرض اللعين".

وأضافت: "اللي بيعانوا من المرض ده عندهم شحنة غضب رهيبة عشان كده لما تكلمهم عن السمنة بيبقوا هجوميين جدًا مينفعش نسيبهم.. السعادة الحقيقية هي تغيير حياة الناس للأفضل وعمري ما طلعت اتكلمت عن السمنة وأنا معنديش الحل".

ووجهت دعوة لمتابعيها: "ابعتوا على الإنبوكس لو عايزين تبقوا معايا نتوكل على الله وربنا عمره ما هيخذلنا".

 

 

 

 

View this post on Instagram

 

 

 

 

 

 

 

 

 

 

 

A post shared by Reham Saeed (@rehamsaidofficial)