شهدت الحلقة الـ 23 من مسلسل "الاختيار3: القرار"، بعنوان "تقدير الموقف"، صدمة المعزول مرسي من رؤية وزير الدفاع الفريق أول عبدالفتاح السيسي للموقف ومعرفته بالأيدي الخفية.
ونشرت الصفحة الرسمية للاختيار 3، عبر حسابها على موقع التواصل الاجتماعي "إنستجرام"، فيديو للقاء المعزول محمد مرسي بالفريق أول عبدالفتاح السيسي.
وقال مرسي: "ما المقترحات يا سيادة الفريق".
ليرد عليه السيسي: "التصالح مع كل القوى الوطنية يا فندم.. التحديات دي وكمان الحفاظ على مؤشر الدولة وعدم السماح بالتدخل في شؤونها وخصوصا من مكتب الإرشاد لازم.. المسؤولية مسؤولية الرئاسة فقط.. أنا طبعا عارف إن الكلام اللي بقوله ضد فكر وعقيدة الإخوان وتنظيم الدولة".
وتابع الفريق أول: "بس لازم نشوف حل للموضوع ده.. في دعم قدرة الأجهزة الأمنية لمواجهة الفكر الهدام المتطرف، والاستمرار في متابعتنا.. وتكوين قواعد بيانات لكل الفصائل اللي بتتبنى الفكر ده.. وأهم حاجة هي المصارحة المستمرة للرأي العام.. والتعامل مع الرأي العام ده على إنه كله كتلة واحدة.. فخامة الرئيس.. أقول لحضرتك إن حجم التحديات ضخم جدًا ومخيف".
وأضاف السيسي: "والجماعة مش هتقدر تتعامل معها.. اسمح لي أفكر حضرتك لما بقول إن حالة التظاهر اللي استمرت أكتر من سنة ونص جابت اللي فضل من البلد على الأرض.. ده غير تراجع الاحتياطي في البنك المركزي لأقل حجم في تاريخه.. كمان.. الفاتورة الباهظة للمواد البترولية والدعم.. تفتكر حضرتك إن الجماعة هتقدر تتعامل مع كل المسائل دي".
وواصل وزير الدفاع: "وبعدين يا فندم أنا عايز أقول حاجة.. البلد بتدار برئيسين.. حضرتك هنا في الاتحادية.. وهناك في مكتب الإرشاد.. لا يمكن هو ده المسار الصحيح لمواجهة التحديات اللي بتكلم عليها دي".
ليرد مرسي: "أيوة يا سيادة الفريق بس يعني جماعة الإخوان برضو بتحاول تساعد في حل المشاكل، ولديها من الكفاءات الكثير في كل المجالات.. عندك المهندس خيرت الشاطر الدكتور البلتاجي".
السيسي: "يا فخامة الرئيس.. باشمهندس خيرت الشاطر والدكتور البلتاجي مشغولان في التمكين والسيطرة.. أنا عندي اقتراح ممكن يخرجنا من الأزمة دي.. يا ريت يا فندم مالكش دعوة بالجماعة.. مش قصدي يعني إن حضرتك تعاديهم... لا يعني نقول نحط النقط على الحروف.. مكتب الإرشاد في مكانه.. والرئيس يدير الدولة".
مرسي: "يا سيادة الفريق يعني أنت متخيل يعني لو أنا الحاكم وهمشت جماعة الإخوان المسلمين هيسيبوني ولا هيسيبوا ولادي".
السيسي: "بالمناسبة يا فندم.. أحب اقول لحضرتك إن الجيش مع حضرتك مش مع جماعة الإخوان المسلمين.. وحضرتك عارف كويس اوي يعني يبقى ده للرئيس طالما الشعب راضي".
وقدّمت ملحمة «الاختيار 3: القرار» في الحلقة 22، رسائل مهمة وعرضت مجموعة من الأحداث الفارقة التي عاصرها الشعب المصري، منها أخطر 96 ساعة في تاريخ مصر، خلال فترة حكم جماعة الإخوان الإرهابية.
View this post on Instagram
A post shared by الاختيار (@alekhteyarseries)
وتضمنت أبرز رسائل الحلقة 22 من مسلسل «الاختيار 3»، ما يلي:
إقبال شعبي على حملة تمرد
الجماعة الإرهابية تود التعاون مع قبائل سيناء
قبائل سيناء يرفضون التعاون مع الجماعة الإرهابية وخيانة وطنهم
القوات المسلحة تقف بجانب الشعب المصري
القوات المسلحة لا تسمح بتهديد أو ترويع المصريين
الجماعة الإرهابية تستقطب عناصر أجنبية لتدريبها وضمها لهم
قبائل سيناء يرفضون التخلي عن أرضها
الجماعة الإرهابية تفقد الثقة في مرسي وخطاباته
أبطال «الاختيار 3»
مسلسل «الاختيار 3» بطولة ياسر جلال، أحمد السقا، كريم عبدالعزيز، أحمد عز، خالد الصاوي، أحمد بدير، عبدالعزيز مخيون، منى عبدالغني، أمير المصري، محمود البزاوي، سمر مرسي، إيمان العاصي، آدم الشرقاوي، مجدي فكري، محمد رياض، شريف حافظ، بيومي فؤاد، صبري فواز، شريف خير الله، بجانب مجموعة من ضيوف الشرف، ومن تأليف هاني سرحان، وإخراج بيتر ميمي.