قال الدكتور رضا حجازي وزير التربية والتعليم والتعليم الفني، إن الحوار والاستماع لكل الأطراف والاجتماعات الدورية، ووضوح الأهداف من عوامل نجاح الفريق.
ونشر وزير التعليم على صفحته على «فيسبوك» قائلًا: «لذلك أعجبني كلام الدكتور محمود أبو العزايم حينما قال صاحب مصنع صابون كان عنده مشكلة كبيرة أثرت على سمعة المصنع.. المشكلة إن كان في علب صابون فاضية بسبب خطأ في ماكينة التعبئة نتيجة سرعة خط الإنتاج.. جاب شوية خبراء وقالوله الحل جهاز ليزر يتحط على السير عشان يكشف العلب الفاضية والجهاز ده هيتكلف 100 ألف دولار!، صاحب المصنع كان مضطر يوافق عشان يحافظ على سمعة مصنعه.. وهو قاعد في مكتبه دخل عليه عامل قاله أنا عاوز 100 دولار وأحل المشكلة!»
وتابع: «صاحب المصنع سمع للعامل اوإداله الفلوس.. راح العامل جاب مروحة حطها على خط الإنتاج.. العلب الفاضية كانت بتطير من هوا المروحة والعلب المليانة بتعدي عادي!».
وأكمل: «عشان كده لازم تسمع لكل واحد في فريق عملك باهتمام.. ربما العامل البسيط عنده برؤيته حل أفضل من الخبراء.. اسمع وشارك الناس وخليهم يفكروا ويحسوا إنهم بيساهموا في القرار هتنجح بنجاحهم.. الأفكار اللي هتخرج من عشرة بيفكروا غير الفكرة اللي هتخرج من واحد مهما كان!».
وختم الوزير كلامه قائلًا: «القياده فن».