ردت الفنانة مي كساب بقوة على كل من ينتقدها ويسخر من إخفاء ابنتها فريدة في كل صورة أو فيديو تنشرها بحسابها.
وكتبت كساب عبر حسابها: "يارب الرسالة تكون وصلت اكتبها بالإنجليزي ولا العربي مش مفهوم ياريت كل واحد يخليه في حاله والناس المريضة ريحو نفسكم مني واعملو انفولو عشان أرتاح".
وأضافت كساب: "كومنتاتكم للأسف بتدل على شخصياتكم مش فاهمة إيه كمية الغل اللي بقت في البشر دي انتو فاهمين الحرية غلط كل واحد يخليه في حاله وفِي حياته انتو مالكم انا حرة أخبي وشها أصورها بقفاها بنتي وأنا حرة فيها".
وتابعت كساب: "أنا ضرتكم في ايه يعني بعمل أغاني وأنا مبسوطة وبنزلها عشان أبسطكم معايا وتغنو معايا لولادكم ألاقي كمية مرض داخلة عليا مش طبيعية".
واستكملت كساب قائلة: "ربنا يشفي بجد ربووو ولادكم علموهم ما يأذوش الناس بكلامهم الجارح كل واحد قاعد في بيته عاملي فيها قاضي وبيحكم ع البشر ربووهم أحسن كل شوية بتبوظ أكتر من الأول".
واختتمت رسالتها: "طبعا شكرا لكل إنسان آدمي محترم كتبلي كومنت حلو ومحترم وهافضل أكرر كل يري بعين نفسه وكل إناء ينضح بما فيه وتعليقاتك بتعكس تربيتك وأخلاقك شكرا جمهوري المحترم حبكم حياة أنتم عزوتي".