حرص المطرب الشعبي حمو بيكا على دعم عامل النظافة صاحب واقعة مطعم كشري التحرير.
ونشر حمو بيكا عبر صفحته الرسمية لموقع التواصل الاجتماعي "فيسبوك" صورة عامل النظافة وعلق عليها قائلاً: " محمد الجدع.. ويا ريت يكون ده اسم شهرتك في الدنيا بعد كده .. عشان أنت جدع بجد وتستاهل كل خير.. ورسالة من أخوك حمو بيكا.. أنا معاك يا حبيبي في أي حاجة محتاجها في حياتك من الألف إلى الياء.. ومتشغلش بالك بأي حاجة.. إحنا كلنا في ضهرك ومش هنسيبك لأنك مثال للإنسان الشقيان، وطالع عينه في الحياة، عشان يجيب الجنيه بعرق جبينه.. ربنا يوفقك في حياتك، وأتمنى أشوفك قريب، وليك عندي مفاجأة كبيرة أوي، وإن شاء الله تعجبك يا حبيبي يا جدع".
وقابل الفنان أحمد العوضي صاحب واقعة كشري التحرير أمس، وقاما بالأكل في أحد المطاعم الأسماك، ووفر للعامل فرصة عمل.
وقال في تصريحات صحفية: " محمد راجل شقيان والكِبر وحش، مينفعش تتكبر على حد، وتقوله مش هتاكل عندي، الأكل ده بتاع ربنا مش بتاعك، هو كسر بخاطره بس مصر كلها جبرت بخاطره، أقسم بالله لو كنت قاعد في المكان، وحصلت النمرة دي قدامي أنا مش هقول كنت هعمل إيه"