راديو (أم ممدوح)•• يلعلع في الصالة وخارج بابها المفتوح على مستطيل (بسطة) سلم ومخرج شقتي الدور الرابع (الأخرانى). 

والسلالم دفعت فيه شبكتها الذهبية.. تضعه بهيكله الخشبي الكبير البنى الداكن على رف أعلى الحائط المواجه تطلقه ينطق بعد فترة تسخين بطاريات تشغيله على إذاعة (صوت العرب) تتابع وقائع حرب 56 ونصرة  بورسعيد وانسحاب العدوان الثلاثى مدحورا  وأغانى البطولة وأمانه عليك أمانة يا مسافر بورسعيد وقبله تأميم قناة السويس ومحلاك يا مصرى وأنت ع الدفة وخطاب عبد الناصر من على منبر الأزهر (سنقاتل)، تلتقط كلمة من هنا وتعليق من هناك.. لا تفقه معظمه يشحنها بالحماس.. يجاوبه مشاعر.. جيرانها الأساسيين وباقي السكان.. أهل بيت واحد.

بابنا أيضا مفتوح على (الفسحة) والراديو.. سمح لأبي.. في شقاوة شبابه، عائدا بعد صفارة زيتيات تكرير بترول السويس، في الثانية والنصف عصرا تطق فى دماغه المشاغبة ، وأم ممدوح وأبوه منهمكين فى المطبخ برص طبلية الغداء.. يضعونها أمام الباب ومرمى طبليتنا.

لمة غديوة.. يتسلل مرتكزا على ساقه الطويل.. يغلق الراديو الزاعق.. يتوارى سريعا برشاقة في غرفنا يترقب بأذنيه وأم ممدوح سريعة الانفعال.. ذكية.. وفهمت لم يهمها من الأمر.. إلا دفاعها الصارخ  عن مشاعرها ووعيها

تزعق بين البابين فى اتجاهنا

(أييييييه.. هو أنا مش وطنية?!!!).. كان بالإذاعة تحليلا سياسيا متعمقا.. عقب نشرة الثانية والنصف عصرا.

ولم يستطع.. أبى وأمى وأبو ممدوح شخصيا.. إلا الضحك من  القلب الرايق والحساسية الوطنية  المفاجئة.

وقد سبق وجادلوها في تحويشة شبكتها لأسرتها.. فلم يثنوها عن شراء الراديو وبهجة قلق متابعة  الأحداث.. يفلتون من بوادر أزمة جيرانية متوقعة.. بتصفيق قادم من الشارع، عبر الشرفة  المطلة.. تدافعوا يتفرجون.. شاب سويسي أمام  المقهى المواجه.. رفع كرسى بأسنانه الصلدة إلى السماء، فاردا ذراعيه يرقص وسط الشارع، تجمع حوله باقي الرواد  والمارة.

يدقون نغمات الكف السويسي، فرحين، بنصر.. ما حلموا بتحقيقه.. على أكبر دولتين (انجلترا وفرنسا ) وإسرائيل.. كنت سن الثانية ••لكن على مدى حياة والدى، حفظت تفاصيلها، مما يرويه  ساعات صفائه.. يكرر  بعدها جملته الدائمة.. أيام  كانت وحديها!!

يقصد أياما للبهجة •• تختلف عما قبلها وبعدها.. فى نصر 1956

2- عدّى النهار

(تن )

جرس مكتوم يدق 3 مرات.. يوقظنا الموسيقار البديع.. بليغ حمدي

(عدّى النهار و المغربية جايّة تتخفّى ورا ضهر الشجر.. وعشان نتوه في السكة.. شالِت من ليالينا القمر.. وبلدنا ع الترعة بتغسل شعرها.. جانا نهار مقدرش يدفع مهرها.. يا هل ترى الليل الحزين.. أبو النجوم الدبلانين.. أبو الغناوي المجروحين.. يقدر ينسّيها الصباح أبو شمس بترش الحنين؟.

يعلو شجن  عبد الحليم حافظ (أبداً.. بلدنا للنهار ) ويتحدى بصوته وكلمات عبد الرحمن الابنودى ( والليل يلف ورا السواقي زي ما يلف الزمان •• وعلى النغم •• تحلم بلدنا بالسنابل والكيزان •• تحلم ببكره و اللي حيجيبه معاه •• تنده عليه في الضلمة وبتسمع نداه •• تصحى له من قبل الأدان تروح تقابله في الغيطان 

في المتاجر و المصانع.. والمعامل و المدارس.. والساحات •• طالعة له صحبة جنود صفوف•• طالعة له رجال..أطفال.. بنات •• كل الدروب واخدة بلدنا للنهار
•• تنقشع غمامة سوداء عن أعين هزيمتنا فى 67 بعدما وصلت أحلامنا قبلها •• عنان السماء كأنه قبض الريح •• لنرى مع العباقرة الثلاث حياتنا وقيمتها •• فى عملنا ومستقبلنا فى مناطق الانتاج ومنها المدارس تنتج جيلا جديدا لمصر لا نقل أهمية عن جنود الجبهة  وأن ما نفعله فى المزارع والمصانع هو التحدى الحقيقى فى معركة النهار ضد من يتوهمون عيشنا فى الظلام
••
لم يرفع حليم معنويات المصريين  فقط •• بل أعاد توازن معنويات العالم العربى  كله

•••

3- الست الحاجة

فى المحل الصغير بحى أفرنج بورسعيد   وبضاعته  المتراصة حول مكتب صاحبته العجوز الراقية والصليب الذهبى الكبير على صدرها 
وصور  المسيح والعذراء و مارى جرجس على الجدران
 وكلمتها الواحدة فى الأسعار ••
غابت اليوم

أتسوق من ابنتها وحفيدتها على  صدرهن نفس حجم الصليب  ووشم أزرق له على المعصم ومحجبة بإسدال إسلامى •• ملأت الباب بكسمها •• تسأل مترددة
ــ هى الست الحاجه فين ؟!!
••
اجابت الابنة  ــ  أأمرى  ياحاجة••  تحت أمرك 
•• ذى  الحاجه بالضبط  
 ـــ  أصلى  أتفقت مع الست الحاجه على السعر 
وقلت لها أجيلك وقت تانى!! 
 -اللى اتفقت معاكى عليه ••ماشي
••
أشارت بأستحياءلبنطلون جينز وبلوزة ورية  لإبنتها الشابة مضطرة لغلاء ماركة ملابس أجنبية 
•• 
أستوثق  مما يرددنه من أسعار معقولة 
 لكن المحجبة  اعترضت •• فالست الحاجة اتفقت على سعر•• ذكرته لم  تترد الابنة

- مادامت الست الحاجه أتفقت  يبقى كلامها ماشى وحصلت  المبلغ ووضعت الملابس فى حقيبة زاهية باسم المحل 

ــ مبروك عليها

عقبت ممتنة

ـــ والنبى لما تيجى الست الحاجه تشكريها

 ـــ يوصل ...مع السلامه يا حاجه
•••      
•••
4- خاطبة كنيسة كليوباترا

فى تصافى حفل الخطوبة ••تتبادل مع الابناء والاحفادطرائف خطوبة  زمانها وتوقفت  عند صديق  عتيق  لأهل العروس

-أنا عاوزه أجوزك!!

_ أنا متجوز وعندى  طفلة!!وأحنا ما لناش زوجة ثانية  (ههههه)

_والله عروسة قمراية وبنت ناس  ومتفوقه

_خلاص نشوفها لأخويا

اهتمت بدقة المعلومات ومناسبته للعروس الغائبة

 بحماس أستعدادها للتوسط فى الأمر  
••
ارتاب الصديق فى صفاء ذهن العجوز 

فعوم الأمر بتلقائية إنسحاب شيك لا يجرح   

- بدلا من اللقاء فى البيوت وإزعاج البدايات 

•• نعرف أى كنيسة يذهبون لها ونلتقى
إجابته بفهم

- فى كنيسة الزيتون  
- نحن نذهب لكنيسة كليوباترا
••

_ رحتها معاهم كثير أفراح وعزاء 

والقعدة لطيفة هناك ••

خلاص أقنع الأم  ونتقابل  بالصدفة يوم الأحد •• بس خد بالك هى ذكية وما بيعجبهاش إنى وأمها نبحث لها عن عريس مناسب 
بس عروسة هايلة •• مربياها على إيدى •• أمها حبيبتى  من أيام شغلنافى مدرسة شبرا وسفرنا ليبيا سوا 
ولما مات عبد السلام الله يرحمه وقفت جنبى وأطفالى  فى الغربة  أكثر من الأخت الشقيقة•• وياما رحنا كنيسة الزيتون •• أمها تولع لها شمعة •• وأنا أقرا لها سورة الواقعة  إن ربنا يرزقها بإبن الحلال اللى يستاهلها أصلها قمراية••
-إلا قول لى •• هى كليوباترا كانت قديسة علشان تسموها على كنيسة•• دى  ملكة !!! 
ولا بلاش نتدخل فى حاجه ما نفهمهاش
••

- ده اسم شارعها يا طنط
اسمها الرسمى كنيسة مارمرقس 

وأقدم كنيسة فى مصر الجديدة من 1922

ما حضرتك عارفه المصريين يحبوا الأسماء السهلة المختصرة

وأقولك حاجه كمان •• وضعوا حجر أساسها يوم جمعة !!
ههههه
- يلا ساعدنى أقوم أصلى ركعتين جوف الليل قبل الفجر سهرتكم صباحى•• ربنا يسعد أيامكم
••
_واخد بالك يوم الأحد صدفه ••هه !!

ارجع  لأصحابك وكملوا فرحتكم ••و ربنا ها يتمم فرحتنا إن شاء الله!