"جوزي بخيل، ومش عاوز يركب واي فاي"، قالتها هيام الزوجة البالغة من العمر 24 عاما، وهي تبرر طلبها للخلع ضد زوجها أحمد، داخل محكمة الأسرة بالسلام.

وأكدت الزوجة أنها متجوزة منذ عام تقريبا، بعد قصة حب كبيرة "مكنتش أعرف عنه حاجات كتير، عايشة معاه على الحلوه والمره، شوية معاه فلوس وشوية يقولي مفيش، مبقش عارفة فيه ايه زهقت،ويجي عند النت يقولي مش دافع حاجة روحي اطلبي من أهلك كفاية أنك بتشربي وتأكلي وبس غير كدة مفيش،أنا مش دافع أي حاجة تاني ".

وأشارت الزوجة في دعواها أمام محكمة الأسرة:«كل لما بطلب منه فلوس يقولي اجبلك منين أروح أشحت يعني، ولا أسرق ويفضل يضرب فيا ويهزقني ويشتمني، وأنا عايزة أركب النت زي الناس مابتعمل في البيت، أنا مش أقل من الناس"، لتتابع الزوجة أنها تتمنى الحياة كباقي البشر، ولم تكن تعلم على حد قولها أنه بخيل، على الرغم من امتلاكه أموال في البنك تدر عليه الكثير من العوائد.

وقررت الزوجة اللجوء  لمحكمة الأسرة بالسلام لرفع دعوى خلع ضده.