رد الفنان عمرو مصطفى على حديث المنتج محسن جابر عنه في برنامج حديث القاهرة أمس، مؤكداً أن كل الكلام الذي صرح به جابر لا صحة له من الأساس.
وعلق عمرو مصطفى على تصريحات محسن جابر من خلال منشور على حسابه الشخصي بموقع التواصل الاجتماعي فيسبوك قائلا: «يعني أنت بتزور التاريخ وأنت في السن ده.. طب أرد عليك إزاي وأنت راجل في السن ده، أقسم بالله كل كلمة نطق بها هذا الشخص كاذبة».
وتابع مصطفى: «ولي حق الرد في نفس البرنامج أو برنامج آخر لفتح جميع ملفاته وملفات شركاته وجميع الفنانين الذي يطلقهم على القنوات علشان يهاجموني أنت مَن دمرت الفن في الوطن العربي».
واختتم عمرو مصطفى حديثه قائلا: «استلمت مصر أم كلثوم وفايزة وشادية وعظماء لحد ما وصلتها للمهرجانات.. ده الوقت اللي لازم حد يقف لك وينهي المهزلة دي».
الجدير بالذكر أن المنتج محسن جابر حل أمس ضيفا في برنامج حديث القاهرة مع الإعلامي خيري رمضان، وتحدث عن أول مقابلة بين عمرو دياب وعمرو مصطفى: «كنت في شركة عالم الفن في وسط البلد وجات لي السكرتيرة قالت لي في واحد بيعيط ومنهار عايز يقابلك ده عمرو مصطفى».
وأضاف: «القصة إيه؟ إنه الليلة اللي قبلها عرف إن عمرو دياب بيسجل في ستوديو راح يسمعه أغنية وفتح عليه أوضة التسجيل وهو بيغني فقال مين ده طلعوه بره.. لا سمع ولا شاف ولا عرف والبودجاردات طلعوه فجالي بيعيط وبيقول أنا رموني بره».
وتابع المنتج محسن جابر: «وأنا كنت رايح لعمرو دياب فقلت له تعالى معايا وخدته معايا وسمعته لعمرو دياب فعمرو قال الله الأغنية حلوة أوي فقلت له أومال عملت كده في الراجل امبارح ليه قاله هو أنت!! ولولا إني خدته معايا مكانش عمره شاف عمرو دياب».