تسببت الفنانة والإعلامية أسما شريف منير في خلق حالة من الجدل عبر مواقع التواصل الاجتماعي وذلك عقب ظهورها بحفل توزيع الجوائز بمهرجان القاهرة لدراما، وظهرت حليقة لرأس بعد قيامها بحلاقة شعرها خلال مقطع فيديو عبر موقع انستجرام، وكانت بمثابة صدمة للجمهور.
وهذه ليست أول أزمة لـ أسما شريف منير تثير الجدل بين رواد التواصل الاجتماعي، ونرصد لكم أبرز الأزمات.
أزمة أسما شريف وهجومها على الشعراوي
هاجمت أسما شريف منير الشيخ متولي الشعرواي وأثارت حاله من الجدل وعضب رواد التواصل الاجتماعي، وبدأت عندما طلبت أسما من متابعيها، ورشح عدد من أسماء المشايخ الذين يثقون بآرائهم وفتواهم نظراً لعدم ثقتها بأغلب الدعاة الذين تعرفهم، وأقترح عليها العديد منهم الشيخ محمد متولي الشعراوي، إلا انها هاجمته قائلة: "طول عمري كنت بسمعه زمان مع جدي الله يرحمه، ومكنتش فاهمة كل حاجة، لما كبرت شفت كام فيديو مصدقتش نفسي من كتر التطرف، كلام فعلاً معرفتش استوعبه، حقيقي استغربت، وهدورلكم على الفيديوهات اللي خلتني أبطل أشوفه".
وتسببت في غضب متابعيها بسبب هجومها علي الشيخ الشعراوي، وخرج والدها الفنان شريف منير في فيديو عبر حساباته الرسمية وطالب متابعيه بمسامحتها وأنها لم تقصد الإساءة بالمرة للشيخ الشعراوي، لتنشر "أسما" بعدها للاعتذار في بوست نشرته على صفحتها بموقع "فيسبوك"، معلقة: "حصل بيني وبين شخص حوار اسأت فيه التعبير عن اللي عايزة أقوله وحساه، أتفهم كلامي على إني انتقد فضيلة الشيخ متولي الشعراوي أنا بتكلم من غير ما بحسب كلامي وأنا مقصدتش بأي حال من الأحوال إني اغلط أو يوصل كلامي بشكل غلط كده".
واستكملت: "وأنا بعتذر جداً جداً عشان لم أستطع أن أحسن التعبير واختيار الكلمات الصحيحة وده يمكن عشان لسه بتعلم وده عن عدم إدراك أنا لسه بتكلم على طبيعتي".
أزمة أسما شريف منير ووالدها
لاحظ متابعي أسما بإلغاء متابعة والدها شريف منير عبر موقع التواصل الاجتماعي، وذلك عقب خلافاتهم معا، دون توضيح لأسباب، بالتراجع عن موقفه وقدم اعتذاراً لها ونشر فيديو عبر حساباته الرسمية على السوشيال ميديا لأغنية الفنان مدحت صالح "أجمل بنوتة".
وردت عليه أسما شريف منير علي اعتذاره قائلة: هي دي تقريبًا علاقتي أنا وأبويا ناقر ونقير، أبويا برج الثور وأنا برج الحمل الاتنين طيبين بس سخنين ومتسرعين، عايزة احكي لكم على موقف مهم جدًا وأثر فيا.. أبويا عمل حاجة امبارح علمتني حاجات كتير أوي، للي ميعرفش كان في سوء تفاهم كدا وكنت زعلت شوية منه، فجأة لقيته منزل فيديو عنده على الانستجرام بيطيب خاطري وبيقولي متزعليش قدام كل الناس، طبعاً أنا كنت طايرة من الفرحة ونسيت أصلاً إني كنت في يوم زعلانة لأنها حركة في منتهى الجمال والحنية والطيبة، وكمان علمتني كتير أوي وده اللي خلاني أحكي الموضوع".
أضافت أسما: "اتعلمت أن الاعتذار بيكبر الواحد جدًا عمره ما يصغره، الكبرياء اللي يخلي حد فاكر إنه لو ما اعتذر هو كده جامد ده كلام فارغ، علمني إني لما أزعل بنتي اعتذر لها لو فعلا غلطانة علشان عرفت قد ايه بيفرق في النفسية ومش علشان احنا أهل يبقي مش وارد إننا نغلط".
أزمة أسما شريف منير وحلق شعرها
صدمت أسما شريف متابعيها بحلق شعرها بالكامل خلال فيديو نشرته عبر حسابتها الرسمية، وأوضحت سبب وراء هذا القرار: "شعري بقاله فترة بيقع جامد، ده غير إن من كتر العمايل اتحرق، وبقي مش صحي خالص، وقررت أنفذ قرار كان بقالي كتير أوي نفسي أخده.. أبدأ من جديد، وأحرر نفسي، وأفتح صفحة جديدة، حقيقي هو قرار صعب جدا بس حسسني بقوة وتفاؤل".
وتابعت أسما قائلة: "انا رميت ورايا حاجات كتيرة أوي بمجرد إني شلت شعري.. خطوة جريئة ومرعبة بس حاسة إني طالعة منها بدرس.. عارفة إن فيه ناس كتير هتهاجمني بس أنا فارق معايا احساسي بالراحة اللي أنا حساها دلوقتي.. عادي هيطول تاني بس الإحساس ده مش هحسه غير مرة.. بكره هتشوفوا النتيجة الأخيرة".