تحدثت الفنانة ريم البارودي أثناء مداخلة هاتفية في برنامج "free time" الذي تقدمه الإعلامية يارا أحمد على قناة هي، وكشفت عن تفاصيل دورها في أحدث أعمالها الدرامية والذي تنتظر عرضه وهي حكاية "بنات حمزة" إحدى حكايات "حد فاصل".
قائلة:"أنا الحكاية دي عزيزة جدًا على قلبي لأن هو مخرج عزيز جدًا على قلبي ومخرج موهوب ومخرج كبير ومش أنا طبعًا اللي هقيم أستاذ تامر أبدًا ولكن كان عندي تجربة سابقة معاه اللي هي قيد عائلي".
وتابعت: "إن شاء الله بنات حمزة من مسلسل حد فاصل هي أول بطولة ليا ويارب تعجب الناس، والشهر ده المفروض تبقى على منصة والقنوات ونخليها مفاجأة".
وكشفت عن تفاصيل دورها في المسلسل،وقالت:"أنا عاملة شخصية ياسمين وهي كبيرة أخواتها البنات وحبيبة أبوها ومامتها وشخصية جدًا، ودايمًا الكبير والشخصية واللي مسؤول ممكن يغلط لإن الإنسان في الأول والآخر خطاء ده اللي هنتابعه وبتحب جدًا جوزها وشخصية حلوة جدًا وموجودة حقيقية وموجودة في المجتمع".
واختتمت حديثها مازحة: "شخصية تعبتني أوي وعلطول أستاذ تامر بيتعبني عشان يطلع أحسن حاجة عندي ويارب أطلع عند حسن ظن الجمهور وأطلع عند حسن ظن تامر نفسه ودعواتكوا".