تامر حبيب لـ عمرو دياب:«ظاهرة لم و لن تتكرر ابداً»

اشاد اليسناريست تامر حبيب بموهبة الهضبة عمرو دياب، مؤكدا، أنه ظاهرة لم تتكرر ابدا في مجال الفن.

نشر تامر حبيب بوستر أغنية «بيوحشنا» لـ عمرو دياب على حسابه الشخصي بموقع التواصل الاجتماعي تبادل الصور والفيديوهات الانستجرام، معلقا عليه:«زمان لما كانت الايام حلوة… كان الاستاذ محمد المهندس ابن العظيم فؤاد المهندس بيعمل حفلة ليلة الكريسماس و كان نجم الحفلة دي لسنين كتيرة ورا بعض هو الهضبة الحب الكبير عمرو دياب».

 

 

 

 

View this post on Instagram

 

 

 

 

 

 

 

 

 

 

 

A post shared by Tamer Habib (@tamerhabibofficial)

وأضاف حبيب:«كان في نفس اليوم بينزل ألبومه السنوي الجديد،و يغني أغانيه في الحفلة واحنا في حالة نشوة رهيبة ومن تاني يوم نفضل نسمع في الألبوم لغاية ما ينزل الألبوم الجديد السنة اللي بعدها،أنا حاسس بناس كتير صحابي هنا و هما مبتسمين و هما بيقروا البوست ده علشان افتكروا اليوم ده لما كنا بنبقي سوا و احنا بنسمع لاول مرة شوقنا، و مابلاش نتكلم في الماضي، و يا عمرنا، وراجعين، و حبيبي… و غيرهم كتييييير».

اختتم تامر حبيب حديثه:«والنهاردة نزل الألبوم الجديد و عندي نفس الاحساس و النشوة،اني اعشق هذا الرجل و لم يفشل للحظة في ان يصيبني بالبهجة، ربنا يسعدك و يحفظك يا ظاهرة لم و لن تتكرر ابداً».