كشف الفنان هشام ماجد عن موقف أحمد الفيشاوي في بداية العمل الفني ومساعدته له قائلًا: "كبريائي منعني اقبل حاجات مش كويسة بفلوس كتيرة أو إني أسيب منتج عشان أروح لمنتج تاني فلوسه أكتر، والكبرياء شبه العند وأنا برج الثور وساعات أعند عشان مرجعش في كلمتي، وكان زمان يخليني ما أعتذرش، لكن دلوقتي كبرت وفهمت، اتأسفت لناس كتير زي مراتي وأمي، وكلمة آسف مش عيب بالعكس بتكبرك".

وقال هشام ماجد، خلال استضافته ببرنامج "أسرار" مع الإعلامية أميرة بدر المذاع على قناة النهار: "الفيشاوي أكتر حد وقف معانا وقفة جدعنة كنا لسه مش معروفين وهو كان نجم أوي ساعتها ومازال نجم، وافق على كل حاجة مقابل إنه يقف جنبنا، وشايله ده جدًا، وهو مش مظلوم فنيًا لأنه بيعمل أفلام كتير ممكن يكون ناقصة يعمل مسلسلات".

برنامج "أسرار" تقدمه الإعلامية أميرة بدر على شاشة النهار يومياً خلال شهر رمضان، في الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.