أعلن الملحن والمطرب عمرو مصطفي عن سرقة ألحانه من قبل أحد الملحنين، قدمه في أغنية جديدة لـ شيرين عبد الوهاب، توعد بتقاضيهم.

ونشر عمرو مصطفى مقطعا من أغنية لـ شيرين عبد الوهاب الجديدة، وذلك عبر حسابه الشخصي بموقع التواصل الاجتماعي فيسبوك، معلقا عليها:«ألحان عمرو مصطفى غير مصرح لها بالنشر واللحن اتسرق فكرته في أغنية لـ شيرين جديدة.. كله هيتحاسب في وقته».

في سياق آخر، آثار الفنان عمرو مصطفي جدل على السوشيال ميديا، مشيرا، أن بعض النجوم قلت نجوميتهم، بعد أن توقف على تقديم ألحان لهم.

كتب عمرو مصطفى، في منشور عبر حسابه الرسمي بموقع التواصل الاجتماعي، فيسبوك: «فيه ناس كانت بتلمع على حساب غيرها، والناس كانت فاكرة إنهم كنز، بس لما اللي كان بيديهم بريقه سابهم، طلعوا ورق مطلي، والمكان اللي كانوا معتمدين عليه سابهم النهاردة الأرقام ما بتكدبش، والحفلات ما بقتش زي زمان، واللي بيحاولوا يخلقوا رأي عام ضدي من ورا الكواليس، ده كله ما بيهزش شعرة مني».

وتابع: «الشباب اللي جاي بقوة، وأنتم مش عارفين تقفوا قدامهم، الجمهور بيعرف مين اللي يستاهل، ومين اللي خلاص بقى من الماضي، والتاريخ بيتكتب من جديد، واللي كان شايف نفسه كنز، طلع مجرد مغارة فاضية».

وعلق المخرج ماندو العدل، على تصريحات الملحن عمرو مصطفى الأخيرة، عن الفنان عمرو دياب، من خلال حسابه الشخصي بموقع التواصل الاجتماعي الفيسبوك:«عمرو مصطفى ملحن كبير وكل تصريحاته الأخيرة وكلامه عن عمرو دياب، نابع من فكرة عدم التقدير والإحساس بالظلم، محدش ينكر أن عمرو دياب أسطورة وكان ناجح جدا جدا قبل ما يتعاون مع عمرو مصطفى.. لكن كمان عمرو مصطفى طول عمر عمرو دياب الفني وأضاف لعمرو دياب أغاني hits عاشت وهتعيش».

تابع ماندو العدل حديثه: «أنا مش مع طريقة عمرو مصطفى أكيد لكن كمان مش عاجبني الناس اللي بتقلل منه وبتتعامل معاه على أنه ملحن عادي.. لا عمرو مصطفى مش عادي وكم نجاحاته مع عمرو دياب وغيره مش عادي، الإنصاف مهم، الاتنين استفادوا من بعض والاتنين فنانين كبار، والتقدير مهم للفنان، عشان كده أنا حاسس بيه».