أكد أحمد عيد عبد الملك المدير الفني السابق لفريق غزل المحلة، أنه سيحصل على قسط من الراحة، بعد رحيله عن تدريب زعيم الفلاحين.
وكتب عبد الملك عبر حسابه الرسمي بموقع التواصل الاجتماعي فيس بوك:
"الحمد لله اشتغلت كمدير فني من ٢٠١٩ بعد ما اعتزلت كلاعب في نفس الموسم بداية من نادي جولدي ونجوم المستقبل والشمس وبني عبيد والنجوم ولاڤيبنا واخيراً غزل المحلة بالترتيب كدة ..
أولا الحمد لله مفيش مرة خرجت من التجربة مكنتش راضي عن نفسي وشغلي وتعبي ومجهودي مع الفريق الي بديله ١٠٠٪ مع جهازي المعاون الي مساعدني كل واحد في دوره طبعاً ومخلصين لأعلي درجة والحمد لله سايبين في كل مكان اشتغلنا فيه بصمة وحتي لو في اختلاف في وجهات النظر مع البعض بيبقي الخروج من المكان بكل احترام".
وأضاف: "ثانياً الي طلعت بيه من كل ده في ٥ سنين ان التواصل مع لاعيبتي الي دربتهم ممكن يوصل ل ٩٠ ٪ أن مكانش ١٠٠ ٪ وكمان الي مكانوش بيلعبو بشكل أساسي أو الي مبيلعبوش خالص معايا في المباريات دول يمكن اكتر الناس الي عندي تواصل معاهم بالاضافة للمسؤولين في كل الاندية بتجمعني بيهم علاقة طيبة ".
واختتم كلامه بقوله: "ودي حاجة والله بفتخر بيها جداً في شغلي وبتسببلي سعادة كبيرة جداً اكتر من اي حاجة تانية اني افضل متواصل مع الكل والحب والسيرة الطيبة دايماً موجودة بينا ..
وشكراً لأي حد بيدعمنا وبيقول في حقنا كلام كويس وحاسس بتعبنا .. استراحة محاربين ولنا عودة قريباً جداً ان شاء الله ".