حازم إيهاب يتصدر التريند بسبب وفاة نجله الأول

تصدر الفنان حازم إيهاب تريند جوجل خلال الساعات الماضية، بعد حديثه عن رحلة فقدان نجله، فى بودكاست فايق ورايق مع الإعلامي إبراهيم فايق.

قال حازم إيهاب: "بعد 4 شهور من الزواج، اكتشفنا إن منة حامل، ورغم إن ماكنش فيه شغل وقتها، قلت الولد بييجي برزقه، والحمد لله الأمور كانت ماشية كويس،لكن في الشهر الخامس، خلال متابعة الحمل، طلبت الدكتورة نعمل فحص إيكو لقلب الجنين، وهناك اكتشفنا إن واحدة من غرف قلبه مش شغالة".

ورغم صعوبة الموقف، حاول إيهاب التماسك ودعم زوجته نفسيا، مضيفا: "كنت بطمن منة رغم إن الحقيقة كانت تقيلة، وبدأت أسأل الأطباء، وكلمت شيخ من الأزهر قالي إن في الحالة دي يجوز الإجهاض، لكن لما عرفت إن فيه خطر على حياتها، قررت نكمل الحمل وقلت يمكن ربنا يرزقنا بمعجزة".

واستكمل حديثه:"يونس اتولد، وبعد 6 ساعات بس دخل يعمل أول عملية جراحية، وكانت منة فاكرة إنه في الحضانة بنفس المستشفى، لكنه كان اتنقل لمستشفى تانية وعمل العملية، وكان لسه فيه أمل، لكن القلب ماكنش قوي كفاية".

وأضاف إيهاب: "قعد 13 يوم في المستشفى، وبعدها احتاج لعملية تانية، لكن للأسف ما نجحتش، والدكتور خرج قال لي جملة زي اللي بنسمعها في الأفلام: إحنا حاولنا، بس جسمه بينهار".

واختتم حازم إيهاب حديثه: "أنا كنت مصدق إنه هيعيش، وبدأت أجهز له السرير، لكن الحمد لله على كل حال، ربنا اختاره، وده يمكن كان أكرم له ولينا.. وإن شاء الله يكون شفيع لينا في الجنة".