تخضع البلوجر دينا داش شقيقة الفنان أحمد داش، إلى عملية جراحية، اليوم، ذلك بسبب تعرضها إلى وعكة صحية بعد ولادتها الثانية، مطالبة من الجمهور الدعاء لها.
كتبت دينا داش استوري على حسابها الشخصي بموقع التواصل الاجتماعي تبادل الصور والفيديوهات الانستجرام، قائلة:"بعد الولادة حصلي مضاعفات من بعد الولادة وهعمل عملية وإن شاء الله هكون كويسة، وعارفه إنكوا متعودين إني بنشر ليكوا حاجات إيجابية ديمًا وهزار وضحك ورقص، بس اكتشفت أن نظرات الناس اللي بتشوفني في الحقيقة في المستشفى اللي هو غريبة إني اتعب بس السوشيال ميديا كذابة وأن الناس فاكرة أن حياتي حلوة ولكن ده مش حقيقي لأني أوريكوا الحاجات اللي عاوزه أوريهالكم بس.
وتابعت دينا داش حديثها: ولكن اللي بيدور بيبقى عكس اللي بظهر بيه، وانتوا واخدين عني إني ديمًا عندي خطط ولكن عشان ده اللي بنشره ليكوا ولما بختفي بيكون عندي فترة وحشة، ومش عاوزه اخضكوا عليا أنا هعمل عملية، لو جيت في بالكم أدعولي.