شارك الفنان عمرو سعد جمهوره بصورة له برفقة زوجته ، أثناء استمتاعهم بـ إجازتهم الصيفية فى أوروبا.
نشر عمرو سعد صورة له برفقة زوجته على حسابه الشخصي بموقع التواصل الاجتماعى تبادل الصور والفيديوهات الانستجرام:"لا تبحث عن أي رموز تعبيرية لا شيء يمكن أن يفسر الحب .... افعل عندما تؤمن".
عرض هذا المنشور على Instagram
تمت مشاركة منشور بواسطة Amr Saad (@amrsaad.official)
فى سياق آخري، كشف عمرو سعد فى لقائه مع أنس بوخش عن علاقته مع الزعيم:"عادل إمام.. أي لقب لا يوفّيه، حتى لقب الزعيم ده قليل عليه، كنت في عزاء والدة الفنان محمد فؤاد، ولسه بادي في مشواري الفني، وكان عندي مزيج من الغرور والخجل، كنت بخاف أظهر في الإعلام، عشان ساعات أقول كلام يبوظ مني، والمذيعين يحاولوا يشكلوني على مزاجهم".
وأضاف: فى العزاء اتفاجيت بعادل إمام أنه يمسك بيدي ويطلب مني الجلوس جانبه، رغم وجود عدد كبير من النجوم، قائلًا له:"حلو الراجل الصعيدي اللي أنت عامله في دكان شحاتة، أنت ممثل حلو.
واستكمل:"بعد العزاء قالي اركب معايا، هنروح نزور أحمد السقا اللي كان عامل عملية وقتها، وفي الطريق قالي نصيحة عمري ما نسيتها.. ليه زعلان؟ ليه متحفز؟ قولتله بخاف من الإعلام وبيكتبوا عني بشكل سلبي، وبيتجاهلوني وبيكتبوا بس عن هيفاء وهبي".
وأضاف:"قالي إنت طالع ليه تتكلم عن عمر الشريف؟! تحتفظ برأيك لنفسك، الفنان مش المفروض يقول رأيه في زميله، الشغل هو اللي يثبتك.. أنا اتحاربت 11 سنة، وكان في ناس بتسقط اسمي من إعلانات الأفلام، بس مهتمتش.. لأن الشغل هو اللي بيعيش في أذهان الناس، لما تعمل حاجة فيها قيمة للمشاهد"