أعرب محمد سمير لاعب فريق زد المعتزل، عن فخره بمسيرته الكروية وذلك بعد أن أعلن الاكتفاء بما قدمه في السنوات الماضية.
وجاءت رسالة اللاعب على صفحته بموقع التواصل الاجتماعي فيس بوك كما يلي: بسم الله الرحمن الرحيم. وها قد حان وقت الرحيل عن عشقي الاول والأخير.. الحمدلله "أننا طلعنا سالمين منها"، أشكر كل الانديه اللي مثلتها بدايه من مدرسه الكره ببني سويف ثم الانتقال الي أعظم نادي فالكون النادي الاهلي ومعاصره الجيل الذهبي وتحقيق بطولات لم اكن احلم بها وسيظل النادي الاهلي بيتي الاول والأخير."
وأضاف: "من ثم الانتقال لنادي سموحة ثم سيد البلد نادي الاتحاد السكندري اللي بعشق جماهيره ثم مسيره مميزه مع المقاولون العرب اللي بعتز بيه جداً وعشت أيام جميله مع الذئاب ثم المحطة الأخيرة مع بيتي الثاني zed اللي عشت معاهم احلي ٣ سنين في حياتي بشكر كل المسؤولين اللي تعاملت معاهم وكل المديرين الفنيين اللي اشتغلت معاهم وكل اللاعبين اللي زاملتهم يارب".
وختم اللاعب رسالته قائلًا: "أتمنى ميكونش حد زعلان مني وانا مش زعلان من حد مسيره بدأتها من سن ال٦ سنوات وانتهت في سن الـ ٣٨ الحمد لله ١٨ سنه لعب في الدوري الممتاز واكتر من ٣٠٠ مباراة في الدوري مسيره بعتز بيها وبتشرف بيها أمام عائلتي والجميع انتهي المشوار ولكن لم تنتهي الحكاية وان شاء الله بدايه جديده في عمل مختلف هعلن عنه قريباً شكراً علي دعمكم وتشجيعكم وكلامكم الحلو".