أسما شريف منير: "إحنا في زمن اختلط فيه الحق بالباطل والتمسك بالدين بقى أصعب"

كشفت الإعلامية أسما شريف منير عن صعوبة المرحلة الحالية، مؤكدة أن الزمن الذي نعيشه مليء بالتحديات والفتن، ما يجعل مجاهدة النفس والتمسك بالدين أكثر تعقيدًا.

وكتبت أسما عبر حسابها الرسمي على «إنستجرام»: «رحلة طلب العلم مش سهلة، خصوصًا في زمن زي اللي إحنا فيه، زمن اختلط فيه الحق بالباطل، وبقى فيه كلام دخيل على الإسلام بيتقال بثقة، وكلام يبان عادي جدًا لكنه ممكن يفتح أبواب ضلال كبيرة، عشان كده المرجع الحقيقي لازم يفضل دايمًا القرآن والسنة الصحيحة وفهم السلف الصالح، لأن من غير ده الإنسان ممكن يتوه وسط كثرة الآراء».

وأضافت: «إحنا فعلًا في زمن الفتن فيه رهيبة، بقى الغلط يتسمى حرية وانفتاح، وبقى القرب من ربنا عند ناس كتير يتفهم إنه تشدد أو تطرف، الموازين اتقلبت، والحق بقى غريب، والتمسك بيه محتاج صبر وثبات».

وتابعت: «أنا فعلًا في رحلة صعبة، وكل ما الواحد بيحاول يصلح نفسه ويقرب من ربنا، بيحس إنه غريب وسط ناس كتير حواليه، ودي من أصعب الحاجات، إنك تجاهد نفسك وهواك، وتجاهد الشيطان اللي بيجيلك من كل اتجاه علشان يعطلك. لكن لما الإنسان يصدق مع ربنا، ربنا بيكرمه ويفتح له الطريق ويحفظه».