أوضحت الفنانة ميرنا وليد، أن الأهم من الاحتفال بانتصارات 6 أكتوبر، هو تعريف الأجيال الحالية معنى هذه الانتصارات، "إحنا جيل سمع عنها كتير وفيه اللي شافها وعاشها، والأهم تعريفه للأجيال اللي بعدنا نعلمهم يعني إيه انتصارات أكتوبر".

وقالت "وليد" خلال تكريمها من قبل مجلس الإعلاميين الدوليين، إن فكرة الانتصار كفيلة بإخراج الشباب من حالة الإحباط غير الطبيعية بسبب ما يحدث في العالم، مضيفة: "إحنا دلوقتي في عالم غريب أوي وبيحصل فيه أحداث غريبة جدًا، والأهم نبث روح الانتصار والأمل عند الشباب والأجيال اللي بعدنا".

وتابعت: "الانتصار في حرب أكتوبر كان من دروب المستحيل حتى العدو قال إن الانتصار استحالة وخط بارليف عمر ما حد هيعديه عشان كدة لازم نعلم الأجيال الموجودة يعني إيه الإصرار والإيمان بالله والإيمان بالنفس اللي يخليك فعلا تقدر تعدي المستحيل وتنتصر مهما كانت الظروف والتكنولوجيا".