انتشرت خلال الساعات القليلة الماضية، أنباء عن انفصال شيرين عبدالوهاب عن زوجها حسام حبيب، وجاء ذلك على لسان الإعلامية اللبنانية نضال الأحمدية.

وتأتي هذه الأنباء بعد مرور أشهر على مشكلة التسجيل الصوتي، المنسوب إلى والد الفنان حسام حبيب، يكشف فيه عن توتر العلاقة بين نجله وبين زوجته الفنانة شيرين عبد الوهاب، وأنها تقترب من الانفصال.

وخلال المقطع الصوتي الذي نشرته إحدى المجلات اللبنانية، وأكّدت أنه لحسين حبيب، والد حسام، قال المتحدث إن :"شيرين بلدي"، وأن حسام يستحق سيدة أصغر من شيرين، وأن حسام يدير جميع حساباتها المادية، ويستطيع سحب الأموال التي يريدها، كما أتهمها بأنها قضت على حسام ومستقبله الفني، وأنها أخذت من شهرته لتضمها لشهرتها، وأنه لم يعمل من أجل نفسه منذ تزوجها.

وكان والده في هذا التسجيل يتحدث مع فتاة، موضحًا أنها مذيعة، وأنها صغيرة بالسن، وتستطيع إنجاب أطفال لأبنه حسام بدلًا من شيرين، كما كشف عن وجود خلافات بين والدة حسام وشيرين، وذلك لأن والدته لا تجدها مناسبة لإبنها، حيث قال في التسجيل :"إيمان ام حسام مش بتحب شيرين، ايمان تنكة، وعاملة زي المليونير لما يفلس هي صرفت الفلوس اللي ابوها سابهالها وصرفت فلوس حسام، شيرين عايزة تقولها بتتنكي على اية ده انا عزماكي وهتسافري على حسابي والفندق على حسابي".

وتسأل هل حسام يحبها حقًا؟ أم لديه خطة؛ لأنها شخصية كما وصفها "ملولة"، وأنه يريد لأبنه الزواج من فتاة صغيرة لديها طموحة وجميلة، لأن أبنه أكثر رقيًا من أن يكون مع شيرين، التي نعتها بالـ"بيئة"، كما كشف أن لديه خطة من أجل زواج حسام على شيرين في السر دون أن تعرف.

ولكن من جانبه، حسين حبيب، نفى في تصريحات صحفية وجود هذا التسجيل، مؤكدا أن هذا ليس صوته بالأساس.

 ونشرت "شيرين عبدالوهاب" مقطع الفيديو على حسابها عبر "تويتر"، وقالت فيه: "عايزة اطمن كل الناس اللي بتحبني، كل الناس الكويسين، أنا بخير، مفيش أي نوع من أنواع الخطر عليا ولا علي حياتي، بالنسبة للي حصل محتاج إني أرد عليه مش هينفع أرد عليه بكلمتين".

 وتابعت: "اسمحولي إن أنا أقولكوا إن حسام جوزي إللي أن عاشرته دا انسان من أنضف رجال الدنيا، وانسان محترم وانسان متربي، وبيحبني أكتر من نفسه، وميستاهلش أبدا كم القسوة دا، بس أنا مدياكو العذر لأنكم متعرفهوش، بس أنا عايزة أقولكوا إن الراجل اللي ربنا حطوا في طريقي في الوقت ده، في وقت أنا كنت فيه متكسرة ومتدمرة، هو بنالي شخصيتي وخلاني بعرف أتلكم ورجعلي لنفسي تاني الثقة".

 وأضافت: "حسام ربنا هو اللي بعتهولي فربنا مبيعمليش حاجة وحشة، حسام بيحبنا أكتر من نفسه، أنا وبناتي، ده دليل  إن من ساعة ما إتجوزني مستفادش أي حاجة، ومعملش لنفسه أي حاجة، وهو بس عايش عشان يخاف عليا وعلي عيالي من كل شئ"

 واستكملت: "وبالنسبة لحاجات كتيرة مش المفروض أرد عليها، لكن أنا عايزة أقوم كمان إن الست حماتي اللي ربت راجل أخلاقه عاملة كده، أكيد لازم تكون ست عظيمة، فحسام انسان عظيم، وأمه ست عظيمة، وبتمني منكو إن أنتو تدعولنا بالذرية الصالحة، وبقولكوا إن مفيش أي حاجة من دي خالص.. حسام انسان نقي ونضيف وربنا هو اللي باعتهولي".

ونشرت شيرين عبدالوهاب مقطع فيديو على حسابها عبر "تويتر"، وقالت فيه: "مافيش توكيلات باسمه والفيز بتاعتي مش معاه وكل الكلام ده مش مظبوط، لأني أنا كلي كده بتاعته.. فيز إيه وتوكيل إيه؟.. وكمان جوزي راجل متأصل وابن ناس وابن عيلة محترمة أوي أوي أوي.. ومقبلش كمان إن حد يتكلم عنه كده لا هو ولا أمه".

وتابعت: "حسام راجل مفيش منه خلاص، يعني الناس اللي زيه مبقوش موجودين.. وخلي الناس تفهم كده بالعقل.. إحنا بقالنا دلوقتي 4 سنين متجوزين،  لو كان فعلا راجل عايز يستفيد مني، كان عمل حتى غنوة سنجل لنفسه، لكن الناس لازم بردو يبقي عندها عقل".

واختتمت: "الراجل دا صايني وصاين عيالي، كل الناس بتتخانق، إيه يعني؟.. كل الناس بتختلف،  لكن هو بيحبني أكتر من نفسه، وبعدين يا جماعة أنا حاسة إن ربنا مديني مؤشر وقلب، وأنا حاسة أنه بيحبني وحاسة معاه بالأمان، وبعدين حسام مضرنيش، حسام فدني.. كفايا أنه طلع من حياتي كل الناس اللي كانت بتستغلني بجد، طلعهم، كل التعابين اللي في حياتي.. كل الناس الفاسدة".