تخطت أغنية « مترو» للمطربة شيرين عبد الوهاب 110 آلاف مشاهدة، بعد مرور 13 ساعة فقط على طرحها بموقع الفيديوهات الشهير اليوتيوب، والمنصات الموسيقية.
وأغنية« مترو» من كلمات أمير طعيمة، ألحان عمرو مصطفى، توزيع ميكس وماستر طارق مدكور.
تقول كلمات الاغنية:
في محطة المترو وأنا ماشية من يومين
أنا شفت حد مش هشوفه مرتين
ضحكت عيونه ضحكة قولت قصدو مين
أنا أنا أنا
بصيت شمالي وبعدها بصيت يمين
ومكنش فيه إلا أنا بس وجمبي اتنين
مبقتش عارفة هو يومها قصدو مين
يا دي يا دي يا أنا
خد قلبي مني وخطفني خطفة
ولاقيتني طايره مع أني واقفة
خد قلبي مني وخطفني خطفة
ولاقيتني طايرة مع أني واقفة
مبقتش فاهمة مبقتش عارفة
ده عمل في روحي وفي قلبي أيه
قربلي خطوة وقالي فجأة أيه النظام
دقات قلبي سريعة ومن غير انتظام
وضحكلي نفس الضحكة قولت خلاص تمام
في سياق آخر تستعد المطربة شيرين عبد الوهاب لإحياء حفل غني يوم السبت المقبل الموافق 8 أكتوبر الحالي، على مسرح أوبرا جامعة مصر للعلوم والتكنولوجيا، حيث تلتقي شيرين مع جمهورها في سهرة طربية خاصة.