بكت الفنانة القديرة لبلبة خلال تكريمها مساء اليوم،  في حفل افتتاح مهرجان القاهرة السينمائي بدورته الـ44، حيث تم منحها جائزة الهرم الذهبي التقديرية لإنجاز العمر، تقديرًا لمسيرتها الفنية الكبيرة التي قدمتها خلال السنوات الماضية، والتي تنوعت ما بين المسرح والسينما والتليفزيون والاستعراض، واستطاعت من خلالها حجز مكانة خاصة في قلوب جمهورها في مصر والوطن العربي.

وقالت لبلبة خلال تكريمها: "بشكر بلدي مصر اللي اتربيت من خيرها، ووزيرة الثقافة الدكتورة نيفين الكيلاني، وحسين فهمي رئيس مهرجان القاهرة، وجمهوري اللي شجعني وأنا طفلة ولحد اللحظة الحالية، وبشكر كل اللي اشتغلت معاهم الممثلين والمخرجين والعمال اللي اتربيت في وسطهم بشكرهم أوي، وبشكر كل زمايلي اللي فيه بيني وبينهم عشرة طويلة وبحبهم وعارفة أنهم بيحبوني".

وتابعت لبلبة:" دايمًا لما ببص في الكواليس بلاقي والدتي بتشجعني، ومفيش مرة ماكنتش واقفة في الكواليس، لما كانوا يعلنوا عن مهرجان القاهرة تقول لي إنتي هتتكرمي، وما يحصلش نصيب، والسنة اللي بعدها تقول لي هتتكرمي السنة دي أنتي أكتر واحدة اشتغلتي وبرضه ما يحصلش نصيب، ودلوقتي أنا بحقق لها أمنية، ولكن هي مش موجودة وأنا بتكرم النهارده".

وذكرت لبلبة موقف لـ والدتها الراحلة، قائلة: "والدتي لما كانت حامل فيا كانت بتتفرج في السينما على فيلم وجالها وجع الولادة وبسرعة لحقوها ولو ماكنوش ودوها المستشفى كنت هتولد في السينما، مشيرة،اللي حصل حاجة غريبة لأني أتولد زي النهادره 13 نوفمبر الساعة 12".