هنأت الممثلة سارة درزاوي نجمة مسرح مصر، حمدي الميرغني وإسراء عبد الفتاح بمناسبة حفل زفافهما المقرر إقامته مساء اليوم الاثنين.
وكتبت سارة عبر صفحتها بموقع التواصل الاجتماعي كلمات مؤثرة قائلة: "إسراء و حمدي، البنت الطيبة الجدعة اللي ربنا رزقها من فضله إنها عرفت تختار شريك المشوار والرحلة، اختارت سند، اللي واقفة جنبه وهتفضل كده عشان هي من أصل طيب".
وأضافت: "البني آدم الراجل قوي، عشرة عمري، الجدع قوي قوي، اللي كان قد كلامه ووعوده و اختار بنت الناس اللي تسنده في الدنيا، اللي شايلها في عينيه ومراعي فيها ربنا".
وتابعت قائلة: "إخواتي اللي ربنا رزقني بيهم. بارك الله لكما، وبارك عليكما، وجمع بينكما في خير، وحرسكم من كل أذي، ومن كل نفس حاقدة أو حاسدة".
واختتمت تدوينتها قائلة: "ربنا يرعاكم و يحفظكم ويسعدكم. ويرزقكم عمر طويل سوا. مليان فرحة وسعادة. فرحتي ماتتوصفش كأنه فرحي أنا والله. وأهو باين من أول صورة. الحلم بيتحقق".