علقت الفنانة سماح أنور على هجوم الجمهور عليها بعد حديثها أن الشعب يكره الفنانين وينظر لهم نظرة دنيئة.
ونشرت سماح أنور فيديو لها على حسابها الشخصي بموقع التواصل الاجتماعي لتبادل الصور والفيديوهات الانستجرام، وظهرت فيه مع الفنان أشرف زكي نقيب المهن التمثيلية.
بدأ أشرف زكي الحديث في الفيديو قائلا: «برحب بحضراتكم.. الفيديو بسجله من داخل مسرح نقابة المهن التمثيلية وبتشرفني النهاردة الفنانة الكبيرة سماح أنور.. الفيديو ده معمول عشان أستاذة سماح أنور عايزة توضح بعض الأشياء التي وصلت للناس بطريقة غير مقصودة».
وقالت سماح أنور: «بشكر حضرتك لوجودك جنبي في الموقف ده وسوء الفهم ده، أولا شكرا لكل الناس اللي تفهمت موقفي ووقفت جنبي».
وتابعت: «وبالنسبة للناس اللي فهموا موقفي غلط أحب أوضحلهم أنا ست مصرية طول عمري وأهلي مصريين، ومصر لها عليا كتير ومكنتش هبقى أي حاجة لولا مصر وشعب مصر، كان عندي مشكلة شخصية تخص والدي ووالدتي الراحلين وعملت فيديو كنت منفعلة جدا تجاه الناس اللي تسببوا بالمشكلة دي واتفسر الفيديو بشكل غلط».
واختتمت حديثها: «أحب أقول جملة واحدة بس معتقدش إن فيه أي جملة تانية تنفع بعدها.. مصر وشعب مصر خط أحمر».