بالفيديو.. راندا البحيري تثير قلق مخرج "الأب الروحي" بهذا المشهد

نشرت الفنانة راندا البحيري عبر حسابها بموقع الصور

وروت البحيري كواليس تصوير أحد المشاه الأخيرة لها بالمسلسل، حيث قالت: "الـ 18 ثانية دول من كواليس تصوير مسلسل الأب الروحى.. المخرج الأستاذ تامر حمزة، قالى أنام فى المياه.. قفلت عينى ومكنتش سامعة أى حاجة برة علشان صوت المياه اللى بتنزل من فوق كان عالى جدا وبوكس الإزاز كان مقفول عليا من فوق".

وأضافت البحيري: "بعد ما خدوا الشوت اللى عايزينه، فضل الأستاذ تامر ينادي عليا وأنا مبردش عشان مش سامعة أي حاجة.. فافتكرني إنى موت أو دايخة أو أي حاجة حصلتلي واترعب عليا خاف على خوفي".

وتابعت: " قسما بالله مشوفتهوش قبل كده.. جرى وقعد يصرخ ويزعق فى كل الناس علشان يلحقونى.. وهو شخصيا جرى وجاب السلم وأول ما عرف إنى صاحية وشافنى قدام عينه بصلى.. حط إيده على وشه وعيط وبعدها فضل دقيقة قاعد على الأرض بيجمع نفسه من الخضة".

واستكملت حديثها قائلة:" وعلى فكرة أنا كان بقالى شوية قبل زمن الفيديو ده مبردش عليهم خالص علشان كده الخضه كانت كبيرة.. أنت يا أستاذ تامر يومها كبرت فى نظرى أوى، وعرفت أد إيه أنت بتخاف على الممثل بتاعك وبتحبه بجد".

واختتمت حديثها: "ياريت البنى آدمين كلهم طيبين زيك.. وأنا سعدت واتشرفت أن فى الـcv بتاعى اتكتب أنى اشتغلت معاك.. شكرا على الروح اللى شوفتها فى اللوكيشن بتاعك يا أستاذ تامر وشكرا على وقوفك جنبى ودعمك ليا".

شاهد الفيديو..

View this post on Instagram

صباح الفل. و جمعه مباركه عليكم ان شاء الله. ال ١٨ ثانيه دول. من كواليس تصوير مسلسل الأب الروحي. المخرج الأستاذ تامر حمزه قالي أنام في المياه. قفلت عيني ومكنتش سامعه أي حاجه بره علشان صوت المياه اللي بتنزل من فوق كان عالي جدااااا. ده غير ان البوكس الإزار ده مقفول علي من فوق. قفلت عيني علشان ياخدوا الشوط اللي عايزينه. خدوا الشوط اللي عايزينه. بعدها الأستاذ تامر بينادي. فتحي عينك يا راندا. فتحي عينك يا راندا. خلاص يا راندا خلصنا. وانا مبردش. أنا أصلا مش سامعه أي حاجه. الأستاذ تامر أفتكرني موت 😢😢😢😢😢 أو دايخه مثلا جدا. أو ان اي حاجه حصلتلي. و واترعب علي خاف علي خوف قسما بالله مشوفتهوش قبل كده جري و قعد يصرخ. و يزعق في كل الناس علشان يلحقوني وهو شخصيا جري و جاب السلم و اول ما عرف أني صاحيه و شافني قدام عينه بصلي. حط ايده علي وشه و عيط و بعدها فضل دقيقه قاعد علي الأرض بيجمع نفسه من الخضه. علي فكره أنا كان بقالي شويه قبل زمن الفيديو ده مبردش عليهم خالص علشان كده الخضه كانت كبيره. و انت يا استاذ تامر يومها كبرت في نظري اوي اوي اوي. و عرفت اد ايه انت بتخاف علي الممثل بتاعك و بتحبه بجد. ياريت البني آدمين كلهم طيبين زيك. وانا سعدت. و اتشرفت. ان في ال cv بتاعي اتكتب أني اشتغلت معاك. شكرا علي الروح اللي شوفتها في اللوكيشن بتاعك يا استاذ تامر و شكرا علي وقوفك جنبي و دعمك ليا. منساش أبداً اول يوم روحت فيه لوكيشن الأب الروحي وكم التعليقات الجميلة اللي قالها علي أدائي علشان يرفع روحي المعنوية و يحسسني أني مش داخله امثل الجزء الثاني و جديده عليهم. لا. حسسني اكني كنت معاهم من تحضير الجزء الأول. و احتضنوني كلهم. شكرا. و هيوحشني اوي الشغل معاك لحد ما نشتغل مع بعض تاني. ربنا يخليك للفن المصري ✌️. شكرا للإنسان تامر حمزه.

A post shared by Randa Elbehairy (@randaelbehairyofficial) on Nov 9, 2018 at 1:49am PST