وجهت الفنانة زينة رسالة لوالدها الراحل عبر صفحتها بموقع الصور الشهير "إنستجرام" في ذكرى وفاته.

ونشرت زينة صورة لوالدها، وعلقت عليها قائلة: "من كتر ما أنا بحبك نفسي أعاتبك أني بقالي ١٢ سنة ماشفتكش وكأنه بايدك يا أبويا استغفر الله العظيم اللهم لا اعتراض".

وأضافت: "أنت ارتحت وأنا اللي بموت كل يوم منغيرك يا بابا ...أنت أكيد مبسوط بس أنا لا.. المهم راحتك بس وحشتني اوي ومفيش طعم لحاجة من غيرك، ملهاش لازمة الدنيا".

وتابعت: "الله يرحمك ويعفو عنك.. في الجنة ونعيمها ويارب يكون بيوصلك سلامي ودعائي وتكون عارف إن زي ما أنت عشت علشاني أنا واخواتي ومتغرب وشقيان علشان تعيشنا كويس، احنا كمان عايشين علشانك دلوقتي اخواتي احلي ذكرى من ريحتك وصلبك يا غالي".

وفي النهاية طالبت زينة جمهورها ومتابعيها قائلة: "أرجو منكم الدعاء بالرحمة والمغفرة لأغلى مخلوق في قلبي وعقلي أبويا، ويرحم كل أب يارب".