تداول رواد التواصل الإجتماعي مقطع فيديو يظهر فيه الفنان «محمد محمود عبد العزيز » وخطيبتة «سارة» وهو راكع على ركبة واحدة ويقدم خاتم، على نغمات أغنية «مون شيري»، وسط حضور عدد كبير من الأصدقاء بالوسط الفني منهم شقيقه كريم محمود عبدالعزيز، وإيهاب فهمي ونشر محمد الفيديو عبر حسابه الشخصي «فيس بوك» ليوضح الأمر، وعلق عليه قائلاً، «خطيبتي عملتلي مفاجأة عشان عيد ميلادي، وبرغم أننا متفقين من أول يوم إننا مش هانفاجئ بعض بأي حاجة بس هي كانت عايزه تفرحني بأي طريقة وجمعتلي أصحابي وحبايبي اللي بجد عايز أشكرهم جدا واحد واحد وواحدة واحدة».
وأضاف، «بجد مش عارف أقولكم ولا أشرحلكم وجودكم فرحني إزاي ووالله ما كنت عايزكم تروحوا» وتابع القول «المهم بقا إن أنا من يومين حسيت إحساس أقرب إلى اليقين أنها بتحضر لحاجة وقررت جوايا إن لو طلع إحساسي صح أنا كمان لازم افاجئها وفي نفس اليوم وده كان ردي على مفاجآتها».
حاز الفيديو إعجاب كبير من المتابعين حيث علق أحدهم قائلاً :"بحس من عيطهم وفرحتهم انهم شافو ايام صعبة اوي علشان يتجوزو وأنهم تعبو علشان يجيبو شقة او بيت أو عفش او او مش الدنيا حلوه معاهم وبيعمل الفرح في الساحل او افخم فنادق مصر عادي يعني" وتابع القول متابع آخر "ولله فرحتله جدا ربنا يسعدهم والقمر كريم اللي فرحان بي " والآخر أضاف "ربنا يحميكم و يهنيكم و يفرحكم ويخليكم لبعض انت وهي والقمر اللي وراك اللي فرحان لك اكتر من اي حد ...كريم ...الإخوات يا جماعة " وطلب محمد محمود عبد العزيز في السطور الأخيرة ان يذكر الناس والدة الفنان "محمود عبد العزيز" في الدعاء فعلقت متابعة "اجمل حاجه في البوست انك اي حاجه بتنشرها مش بتنسي اخر سطر ده فعلًا وولد صالح يدعو له ربنا يسعدكم ويرحم والدك ويسكنه فسيح جناته يارب العالمين "
