"مراتك حلوة أوي"، كلمات انهارت بها ناريمان السيدة البالغة من العمر 26 عاما، وهي تصرخ أمام محكمة الأسرة بالقاهرة الجديدة وهي لا تعلم هل تطلب الطلاق من هذا الديوث، أم تقتص منه لفعلته ومتاجرته بها وبجسدها.

بدأت ناريمان في دعواها أمام محكمة الأسرة بالبكاء وهي تستحي أن تروي مافعله زوجها أوصلها لطلب الطلاق "متجوزين من 3 سنين ولسه ربنا مرزقناش بأطفال، ومن سنتين جوزي عربية خبطته والنتيجة عجز عن الحركة، وقتها الحب عماني، وقلتله يرتاح وأنا هشتغل وأصرف ع البيت".

"نزلت اشتغلت عند دكتور، والمرتب كله كنت بصرفه على البيت، ووقتها كان جوزي بياخد مني مصروف، بس الوضع اتغير وهو بدأ يطلب فلوس أكتر"، لتشير الزوجة لتغير زوجها جذريا، فقد بدأ بصورها ويطلب منها التصوير دائما، حتى أثناء استحمامها، وعندما رفضت وسألته عن السبب كان رده "بتوحشيني، ومحتاج أشوفك دايما، عشان أحس بالونس".

"كان الموضوع كله صدفة، وأنا ماسك التليفون الخاص بيه وهو نايم، شوفت رسالة من واحد بيقوله مراتك حلوة أوي ما تسلفهاني شوية، الدنيا لفت بيا، صرخت فيه أنا بنزل وبتعب وإنت بتبيع لحمي للناس عشان خاطر الفلوس"، لذا قررت الزوجة اللجوء لمحكمة الأسرة في الدعوى رقم 2760 لعام 2023.