طول الوقت بيقولوا إن الأم هى كل حاجة فى الدنيا وقد إيه هى مهمة فى حياتنا بس مبيحكوش مواقف تدل على كل الكلام ده فأنا بقى بكتب لكم النهاردة عشان احكيلكوا.
أنا عندى أختين توأم وبجد ماما كانت بتصعب عليا أوى وبستغرب دايما هى إزاى عارفة تسيطر علينا كلنا وتهتم بكل تفاصيل حياتنا وأنا دايما بقولها قد إيه أنا بجد فخورة بيها وأن أنا محظوظة إن عندى أم زيها، ماما بجد مش مجرد أم بالنسبة لى ده هى كمان معودانى إن هى صاحبتى اللى بحكلها على كل أسرارى برغم إن أنا أوقات كتير ببقى حاسة إن هى مش متقبلة وجهة نظرى وشايفة إن أنا بعمل حاجة غلط بس هى مش بتزعقلى بالعكس هى دايما بتحاول تفهمنى بالراحة، أنا عارفة إن أنا وهى أوقات بنكون نائر ونئير ومعظم الوقت أنا اللى بكون غلطانة وبزعلها منى كمان عشان بفضل أجادل بس أنا بجد مقدرش على زعلها وهى عارفة كدة كويس، بعيدا بقى عن كل ده أنا عايزة أقول لماما كم حاجة كده أولهم إن هى بجد تستاهل جايزة أحسن أم فى الدنيا وثانى حاجة إن أنا والله مقدرة كل اللي هى بتعملوا عشانى أنا وإخواتى وثالث وآخر حاجة إن أنا بحبها أوى.
